Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
2020 йил учун “сув солиғи” бўйича бўнак тўловлари тўғрисидаги маълумотнома қандай тўлдирилади - buxgalter.uz да ўқингДИЛШОД СУЛТОНОВ ЖАВОБ БЕРАДИ: доимий муассасалар учун ҳисобга туриш ва ҚҚС ҳисоб-китоби - buxgalter.uz да ўқингДИЛШОД СУЛТОНОВ ЖАВОБ БЕРАДИ: ХК, оилавий корхоналар ва фермер хўжаликлари соф фойдасига қандай қилиб солиқ солинади - buxgalter.uz да ўқингДИЛШОД СУЛТОНОВ ЖАВОБ БЕРАДИ: ижтимоий солиқ ва ЖШДС. Қандай қилиб МҲЭКМни қайта ҳисоблаш мумкин - buxgalter.uz да ўқингЭСЛАТМА: 2020 йилда ЯТТ даромадларига қандай солиқ солинади - buxgalter.uz да ўқинг2019 йил учун солиқ ҳисоботи: нимани ва қайси муддатларда топшириш лозим - buxgalter.uz да ўқингСолиштирма жадвал: қайси ЭҲФ операторини танлаган маъқул - buxgalter.uz да ўқингИжтимоий соҳа: фойда солиғини тўлаш лозимми - buxgalter.uz да ўқингЯММТ: ечим топилмаган вазиятларда қандай йўл тутилади - buxgalter.uz да ўқингЖШДС солинмаган даромад олган жисмоний шахслар тўғрисидаги маълумотномани топширишни унутманг! - buxgalter.uz да ўқингЭнди ДСХОда коррупция камайишига солиқчиларнинг ишончи комил. Нима учун? - buxgalter.uz да ўқинг2019 йилда айланмаси чегаравий миқдордан ошганлар учун солиқ солиш ва ЯТТ учун мактабда умумий овқатланиш - buxgalter.uz да ўқингФевраль ойи учун бош бухгалтер режаси: бажариладиган 11 та муҳим иш - buxgalter.uz да ўқинг

Ҳар йилги «Ипак йўлида туризм» ярмаркаси

19.11.2019

Рус тилида ўқиш

 

Ҳукумат томонидан Тошкентда ҳар йилги халқаро туризм ярмаркасини ўтказиш тартиби белгиланди (5.11.2019 йилдаги 904-сон ВМҚга қаранг).

 

2019 йилдан бошлаб «Ипак йўлида туризм» Тошкент халқаро туризм ярмаркаси БМТнинг Бутунжаҳон туризм ташкилоти (ЮНВТО) кўмагида Вазирлар Маҳкамаси томонидан тасдиқланадиган чора-тадбирлар режаси асосида ҳар йили ноябрь ойи учинчи ҳафтасининг чоршанба-жума кунлари Тошкент шаҳрида ўтказилади (2019 йилда 13-15 ноябрда ўтказилди).

 

Ярмаркада иштирок этиш учун хорижий ОАВ вакиллари, халқ усталари ва ҳунармандлари, фолклор жамоалари, миллий ансамбллар, мусиқий ижод ва анъанавий санъат усталари жалб этилади. Ярмарка доирасида ЮНВТО экспертлари иштирокидаги халқаро конференция, «Ипак йўли таъми» миллий таомлар фестивали ва «Шарқ бозори» экспозицияси ташкил этилади.

 

Пойтахтда 25-юбилей ярмаркаси бўлиб ўтди. Ҳужжатда ярмаркага тайёргарлик кўриш ва уни ўтказиш чора-тадбирлари режаси, шунингдек ташкилий қўмита таркиби тасдиқланди. Келгусида Туризмни ривожлантириш давлат қўмитаси ярмарка бошланишидан 2 ой аввал режани ишлаб чиқиб, Вазирлар Маҳкамасига тасдиқлаш учун тақдим этади. Туризмни ривожлантириш давлат қўмитаси 2020 йилдан бошлаб ярмарка бошланишидан камида 6 ой аввал, уни ташкил этиш ва ўтказиш учун ушбу йўналишда ихтисослашган ташкилотни саралаб олиш учун танлов ўтказади. Танлов ғолиби пуллик асосда жалб этилади.

 

ТИВ хорижий давлатларнинг туризм ташкилотларини, туристик фирмалар ва ОАВ вакилларини жалб қилиш учун Ўзбекистоннинг хориждаги дипломатик ваколатхоналари орқали реклама ва ахборот кампанияларини ташкиллаштиради. Туризмни ривожлантириш давлат қўмитасининг буюртмасига биноан ярмарканинг хорижий иштирокчиларига Ўзбекистоннинг чет элдаги консуллик идоралари (дипломатик ваколатхоналарнинг консуллик бўлинмалари) томонидан, шунингдек, зарурият бўлганда, Ислом Каримов номидаги Тошкент халқаро аэропортида кириш визалари берилади. Бунда улардан консуллик йиғимлари ва визаларни расмийлаштириш харажатлари ундирилмайди.

 

Халқаро туристик ярмаркани ўтказиш доирасида харажатлар:

  • иштирокчиларининг халқаро авиарейслар, овқатланиш, яшаш ва реклама материалларининг кўргазма стендларини ўрнатиш билан боғлиқ ҳамда бошқа қўшимча харажатлари иштирокчиларнинг ўз маблағлари ҳисобидан;
  • ихтисослашган ташкилотни танлаш ва унинг ярмаркани ташкил этиш ва ўтказиш бўйича хизматларига ҳақ тўлаш бўйича харажатлари, шунингдек хорижий ОАВ вакиллари ва ЮНВТО экспертларининг экскурсия, транспорт, овқатланиш ва яшаш билан боғлиқ харажатлари бюджетдан ташқари туризмни қўллаб-қувватлаш жамғармаси маблағлари ҳисобидан;
  • миллий стендларни қуриш учун кўргазма майдонларини ижарага олиш, уларни қуриш, ташиш ва сақлаш, шунингдек «Шарқ бозори» экспозициясида иштирок этиш билан боғлиқ харажатлар Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг маҳаллий бюджет маблағлари ҳисобидан қопланади.

 

«Ўзэкспомарказ» МКК ярмарка доирасида имтиёзли шартларда 1-павильон кўргазма майдончаси ва унга ёндош ҳудудларни электр тармоқларига улаган ҳолда тақдим этади, «Ҳунармандлар шаҳри» экспозициясини ўтказиш учун Атриум залини ва катта конференция залини ажратиб беради, шунингдек мамлакатда фаолият олиб бораётган олий ва бошқа ўқув муассасалари, музейлар ва театрларнинг кўргазма стендларини қуришни ташкиллаштиради.

 

Ҳужжат Қонун ҳужжатлари маълумотлари миллий базасида эълон қилинган ва 6.11.2019 йилдан кучга кирди.  

 

Анвар Иркаходжаев.