Вазирлар Маҳкамасининг 13.01.2024 йилдаги 24-сон қарори билан Республика давлат таълим муассасаларида дарс ўтиш учун фойдаланиладиган ўқув-услубий фильмларни ишлаб чиқариш тартиби тўғрисидаги Низом тасдиқланди.
Низомга мувофиқ таълим муассасаларида дарс ўтиш учун фойдаланиладиган ўқув-услубий фильмлар мавзулари Олий таълим, фан ва инновациялар вазирлиги, шунингдек Мактабгача ва мактаб таълими вазирлиги томонидан тасдиқланган.
Ҳар йили 30 январга қадар тасдиқланган тематик фильмлар рўйхати Кинематография агентлигига тақдим этилади. Тегишинча, Агентлик ҳар йили 50 тагача фильм ишлаб чиқаради.
Бунда фильмлар мавзулари ўқувчи ва талабалар ўзлаштириши қийин бўлган фанлар, мавзулар (формулалар, теоремалар, қонунлар) асосида шакллантирилади.
2024 йил 1 апрелга қадар ўқув-услубий фильмлар портали ва уларни жойлаштириш учун мобил илова яратиш режалаштирилган.
Ҳужжат Қонун ҳужжатлари маълумотлари миллий базасида эълон қилинган ва 16.01.2024 йилдан кучга кирди.
Лола Абдуазимова
