Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
2020 йил учун “сув солиғи” бўйича бўнак тўловлари тўғрисидаги маълумотнома қандай тўлдирилади - buxgalter.uz да ўқингДИЛШОД СУЛТОНОВ ЖАВОБ БЕРАДИ: доимий муассасалар учун ҳисобга туриш ва ҚҚС ҳисоб-китоби - buxgalter.uz да ўқингДИЛШОД СУЛТОНОВ ЖАВОБ БЕРАДИ: ХК, оилавий корхоналар ва фермер хўжаликлари соф фойдасига қандай қилиб солиқ солинади - buxgalter.uz да ўқингДИЛШОД СУЛТОНОВ ЖАВОБ БЕРАДИ: ижтимоий солиқ ва ЖШДС. Қандай қилиб МҲЭКМни қайта ҳисоблаш мумкин - buxgalter.uz да ўқингЭСЛАТМА: 2020 йилда ЯТТ даромадларига қандай солиқ солинади - buxgalter.uz да ўқинг2019 йил учун солиқ ҳисоботи: нимани ва қайси муддатларда топшириш лозим - buxgalter.uz да ўқингСолиштирма жадвал: қайси ЭҲФ операторини танлаган маъқул - buxgalter.uz да ўқингИжтимоий соҳа: фойда солиғини тўлаш лозимми - buxgalter.uz да ўқингЯММТ: ечим топилмаган вазиятларда қандай йўл тутилади - buxgalter.uz да ўқингЖШДС солинмаган даромад олган жисмоний шахслар тўғрисидаги маълумотномани топширишни унутманг! - buxgalter.uz да ўқингЭнди ДСХОда коррупция камайишига солиқчиларнинг ишончи комил. Нима учун? - buxgalter.uz да ўқинг2019 йилда айланмаси чегаравий миқдордан ошганлар учун солиқ солиш ва ЯТТ учун мактабда умумий овқатланиш - buxgalter.uz да ўқингФевраль ойи учун бош бухгалтер режаси: бажариладиган 11 та муҳим иш - buxgalter.uz да ўқинг

Ичимлик суви янги талаблар бўйича сертификатланади

17.10.2019

Рус тилида ўқиш

 

Идишда қадоқланган ичимлик сувининг хавфсизлиги тўғрисидаги умумий техник регламент тасдиқланди (10.10.2019 йилдаги 861-сон ВМҚга қаранг). Ҳужжат бир ярим йилдан кейин кучга киради.

 

Техник регламентда қуйидагилар белгиланган:

  • техник жиҳатдан тартибга солинадиган объектлар, уларнинг рўйхати ва тавсифи – уларга табиий маъданли сувлар (ичимлик, шифобахш, шифобахш-ичимлик сувлари, табиий газланган сувлар), қайта ишланган ва табиий ичимлик сувлари, болалар овқати учун сувлар;
  • техник жиҳатдан тартибга солинадиган объектларнинг хавфсизлик талаблари;
  • техник регламентни қўллаш мақсадида техник жиҳатдан тартибга солинадиган объектларни идентификациялаш қоидалари;
  • ичимлик суви атамасига, қадоғига, маркировкасига қўйиладиган талаблар, шу жумладан истеъмолчиларга тақдим этиладиган ушбу маҳсулотларнинг қадоғида ва кузатув ҳужжатларида номи, таркиби ва истеъмол хоссалари тўғрисидаги маълумотларга нисбатан талаблар.

 

Табиий маъданли сувлар тасдиқланган кимёвий ва микробиологик хавфсизлик кўрсаткичларига, ичимлик суви эса (қайта ишланган, табиий ва болалар овқати учун сувлар) – органолептик кўрсаткичлар, туз ва газ таркиби, токсинлилиги, органик ифлосланиш ва бошқа бир қатор компонентлар бўйича чекланган рухсат этилган миқдорга мувофиқ келиши лозим.

 

Сувнинг қадоғи ва маркировкасига нисбатан Ичимлик сув қадоқланадиган идишнинг хавфсизлиги тўғрисидаги умумий техник регламент ҳамда Истеъмол маҳсулотининг маркировка борасидаги хавфсизлиги тўғрисидаги умумий техник регламентнинг долзарб ва релевант талаблари қўлланилади.   

 

Ичимлик суви мувофиқлик сертификати мавжуд бўлганда ҳамда сертификат билан тасдиқланган миллий мувофиқлик белгиси остида маркировкаланганда ички бозорда муомалага чиқарилади. Шу боис, регламент кучга кирганда, тадбиркорлик субъектлари сертификатлаш тартиб-таомилидан ўтиш (санитария-эпидемиология хулосасини олиш) учун маҳсулот намуналарини тайёрлаб қўйишлари лозим. Сертификат 3 иш куни давомида берилади.

 

«Ўзстандарт» агентлиги, Соғлиқни сақлаш вазирлиги ва бошқа ваколатли давлат органлари ўз ваколатлари доирасида янги техник регламентга риоя этилиши устидан назоратни амалга оширадилар.

 

Регламент амал қилишни бошлаши билан стандартлаштириш бўйича илгари қабул қилинган ҳужжатлар мажбурийлик хусусиятини йўқотади ва ихтиёрий равишда қўлланилади. Техник регламент кучга киргунига қадар ичимлик сувига олинган санитария-эпидемиология хулосалари ва мувофиқлик сертификатларининг амал қилиши уларда кўрсатилган муддатгача давом этади.  

 

Ҳужжат Қонун ҳужжатлари маълумотлари миллий базасида эълон қилинган ва 12.04.2021 йилдан кучга киради.  

 

Олег Заманов.