Иқтисодиёт вазирлиги жойларда фаолиятни фаоллаштиради

Эслатиб ўтамиз, 22.02.2016 йилдан йиғма бошқармалар ва ҳудудларни комплекс ривожлантириш бўлимлари вилоятлар, Тошкент шаҳри, туман ва шаҳарлар ҳокимликлари тузилмаси таркибида эди.

Лавозимга тайинлаш ва ундан озод этишнинг қуйидаги тартиби тасдиқланди:

• Қорақалпоғистон Республикаси иқтисодиёт вазири – иқтисодиёт вазири билан келишилган ҳолда Жўқорғи Кенгес томонидан;
• вилоятлар ҳамда Тошкент шаҳар иқтисодиёт ва ҳудудларни комплекс ривожлантириш бош бошқармалари бошлиқлари – тегишли вилоятлар ва Тошкент шаҳар ҳокимлари билан келишилган ҳолда иқтисодиёт вазири томонидан;
• туман ҳамда шаҳар иқтисодиёт ва ҳудудларни комплекс ривожлантириш бўлимлари бошлиқлари – иқтисодиёт вазири билан келишилган ҳолда, шунингдек тегишли туман ва шаҳарлар ҳокимларининг тақдимномасига биноан Қорақалпоғистон Республикаси иқтисодиёт вазири, иқтисодиёт ва ҳудудларни комплекс ривожлантириш бош бошқармаларининг бошлиқлари томонидан.

Иқтисодиёт вазирлиги марказий аппаратининг Ишлаб чиқарувчи кучларни жойлаштириш ва ҳудудларни комплекс ривожлантириш бош бошқармасига қўшимча 12 та штат бирлиги ажратилиб, ушбу бош бошқарма иқтисодиёт вазирининг биринчи ўринбосарига бўйсундирилди.

Қарор билан кўрсатиб ўтилган бўлинмаларнинг асосий вазифалари, шунингдек, уларнинг тузилмалари, ходимларининг чекланган сони ҳамда меҳнатига ҳақ тўлаш разрядлари  тасдиқланди.

Мазкур ҳужжатнинг матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.

Олег ЗАМАНОВ,
экспертимиз.