Президент 28.09.2026 йилдаги «Қурилиш соҳасида давлат назорати ва бошқаруви янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги ЎРҚ-1179-сон Қонунни имзолади.
Киритилган ўзгартиришларга мувофиқ, қурилиш-монтаж ишларини бошлаш учун қурилиш ва уй-жой коммунал хўжалиги соҳасида назорат бўйича ҳудудий инспекцияларнинг рухсатномасини олиш зарур.
Шу билан бирга, қурилиш соҳасидаги ҳуқуқбузарликлар учун жиноий жавобгарлик кучайтирилди.
Жумладан, инспекциянинг тегишли рухсатномасисиз кўп квартирали уй-жойларни қуриш, худди шундай ҳуқуқбузарлик учун маъмурий жазо қўлланилганидан кейин содир этилган бўлса, 3 йилдан 5 йилгача озодликдан маҳрум қилиш билан жазоланади.
Бундан ташқари, инсон ўлимига ёки бошқа оғир оқибатларга олиб келган шаҳарсозлик тўғрисидаги қонун ҳужжатларини бузганлик учун жавобгарлик белгиланди. Бундай қилмиш учун 5 йилдан 7 йилгача озодликдан маҳрум қилиш жазоси назарда тутилган.
«Лицензиялаш, рухсат бериш ва хабардор қилиш тартиб-таомиллари тўғрисида»ги Қонун ва Жиноят кодексига ўзгартиришлар киритилди.
Ҳужжат Қонун ҳужжатлари маълумотлари миллий базасида эълон қилинган ва 30.12.2026 йилдан кучга киради.
