Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Малака сертификати муддати узайтирилган аудиторлар рўйхати эълон қилинди - buxgalter.uz да ўқингҲисобварақ-фактуралардаги бош бухгалтер имзоси қаерга «йўқолди» - buxgalter.uz да ўқингАутсорсер билан ўзаро муносабатларда муаммолар бўлмасин - buxgalter.uz да ўқингМеҳнат дафтарчаси йўқ – стаж ҳам бўлмайдими? - buxgalter.uz да ўқинг

Лицей ва коллежларнинг намунавий штатлари ўзгартирилди

21.11.2020

Рус тилида ўқиш

Олий ва ўрта махсус таълим вазирлиги, Бандлик ва меҳнат муносабатлари вазирлиги ҳамда Молия вазирлигининг «Академик лицей ва касб-ҳунар коллежлари бошқарув, техник, хизмат кўрсатувчи ва ўқув-ёрдамчи ходимларининг намунавий штатларини тасдиқлаш тўғрисида»ги қарорга ўзгартиришлар киритиш ҳақида»ги қўшма қарори қабул қилинди (рўйхат рақами 3119-1, 11.11.2020 й.). 

 

Ҳужжат Президентнинг 6.09.2019 йилдаги «Профессионал таълим тизимини янада такомиллаштиришга доир қўшимча чора-тадбирлар тўғрисида»ги ПФ-5812-сон Фармонига мувофиқ қабул қилинди.

 

Қарор билан Олий ва ўрта махсус таълим вазирлиги, ушбу Вазирликнинг Касб-ҳунар таълими маркази, Бандлик ва меҳнат муносабатлари вазирлиги, Молия вазирлиги томонидан тасдиқланган академик лицей ва касб-ҳунар коллежлари бошқарув, техник, хизмат кўрсатувчи ва ўқув-ёрдамчи ходимларининг намунавий штатларига (рўйхат рақами 3119, 11.01.2019 й.) ўзгартиришлар киритилмоқда.

 

Қабул қилинган ҳужжатда мазкур Намунавий штатлар академик лицей ва касб-ҳунар мактаблари учун Давлат бюджети маблағлари ҳамда қонунчиликда тақиқланмаган бошқа манбалар ҳисобидан жорий қилиниши аниқлаштирилган. Коллеж ва техникумлар учун вазирлик, идораларнинг бюджетдан ташқари маблағлари, ўқувчиларни давлат буюртмаси ва тўлов-контракт асосида ўқитишдан тушадиган маблағлар ҳамда қонунчиликда тақиқланмаган бошқа манбалар ҳисобидан жорий қилинади.

 

Белгиланишича, Намунавий штатлар қуйидагиларга нисбатан татбиқ этилмайди:

  • «Темурбеклар мактаби» ҳарбий-академик лицейларига;
  • ИИВ идоравий академик лицейларига;
  • Тошкент давлат юридик университети қошидаги академик лицейга;
  • юридик техникумга;
  • имконияти чекланган шахслар учун ихтисослаштирилган касб-ҳунар мактабларига;
  • олимпия захиралари коллежларига.

 

Намунавий штатлар жорий қилиниши муносабати билан бошқарув, техник, хизмат кўрсатувчи ва ўқув ёрдамчи ходимлар сонининг қисқариши қонун ҳужжатларида белгиланган тартибда амалга оширилади.

 

Шунингдек қарорда Академик лицей, касб-ҳунар мактаби, коллеж ва техникумлар бошқарув, техник, хизмат кўрсатувчи ва ўқув-ёрдамчи ходимлари учун алоҳида лавозимларни киритиш меъёрлари келтирилган.

 

Ҳужжат Қонун ҳужжатлари маълумотлари миллий базасида эълон қилинган ва 11.11.2020 йилдан кучга кирди.

 

Баҳодир Бухорий.