Адлия вазирининг 05.01.2026 йилдаги 3741-сон буйруғи билан Медиаторларнинг касб этикаси қоидалари тасдиқланган.
Касб одоби қоидаларининг мақсади медиаторлар фаолиятида юксак касбий маданиятни шакллантириш, жамоатчилик онгида медиаторларга нисбатан ҳурмат ва ишончни ошириш, шунингдек, медиаторларнинг одоб-ахлоқ қоидаларига зид ҳаракатларининг олдини олишдан иборат.
Медиаторлар реестрига киритиш тўғрисида Қорақалпоғистон Республикаси Адлия вазирлиги, вилоятлар ва Тошкент шаҳар суд бошқармаларига ариза беришда ариза берувчилар медиация тўғрисидаги қонун ҳужжатлари ва касб этикаси нормалари билан танишлигини тасдиқлаши керак.
Медиаторлар ўз фаолиятини медиация тарафларининг махфийлиги, ихтиёрийлиги, ҳамкорлиги ва тенглиги, шунингдек медиаторларнинг мустақиллиги ва холислиги принципларига амал қилган ҳолда амалга оширади.
Медиаторлар медиация жараёнида медиация тарафларига тенг имкониятларни таъминлаши керак. Улар медиация тарафларининг шахсий хусусиятлари, ижтимоий келиб чиқиши, қадриятлари, эътиқодлари ёки медиация жараёнидаги хатти-ҳаракатларига асосланиб, уларга нисбатан нохолис муносабатда бўлишлари мумкин эмас.
Ҳужжат Қонун ҳужжатлари маълумотлари миллий базасида эълон қилинган ва 05.01.2026 йилдан кучга кирди.
Лола Абдуазимова
