29.01.2018 йилдаги ЎРҚ-463-сон Қонун билан Маъмурий жавобгарлик тўғрисидаги кодексга маъмурий ишлар юзасидан суд ҳужжатлари қайта кўрилишини батафсил тартибга солувчи алоҳида боб киритилди.
Унда суд ҳужжатлари устидан кассация, назорат тартибида шикоят (протест) бериш (1-жадвалга қаранг), шунингдек уларни янги очилган ҳолатлар бўйича қайта кўриш тартиби (2-жадвалга қаранг) белгиланган.
Шуниси эътиборлики, маъмурий ишлар бўйича биринчи инстанция судларининг қарорлари устидан шикоят (протест) беришнинг апелляция тартиби назарда тутилмаган. Бироқ қабул қилинган тузатишлар кучга киргунга қадар амалдаги қоидаларга риоя этиш зарур.
Маълумот учун: бугун туман (шаҳар) маъмурий суди чиқарган қарори устидан 10 кун давомида ушбу суд раиси ёхуд юқори турувчи маъмурий судга шикоят қилиш мумкин. Агар кўрсатилган муддатда қарори устидан шикоят қилинмаса, у қонуний кучга киради ҳамда кейинчалик кассация ва назорат тартибида қайта кўриб чиқилмайди.
1-жадвал.
|
Инстанция |
Суд ҳужжатини қайта кўрувчи суд |
Шикоят (протест) бериш муддати |
Шикоятни (протестни) кўриб чиқиш муддати |
|
Кассация инстанцияси |
Қорақалпоғистон Республикаси, вилоятлар ва Тошкент шаҳар маъмурий судлари |
Суднинг қарори кўчирма нусхаси тақдим этилган ёки олинган кундан кейин 2 ой давомида |
Иш барча материаллар билан судга келиб тушган кундан эътиборан бир ойлик муддатда |
|
МЖТКнинг 512- 519-моддалари бўйича маъмурий ҳуқуқбузарлик тўғрисидаги қарорларини қайта кўриб чиқиш бўйича – судга келиб тушган кундан эътиборан 5 кунлик муддатда |
|||
|
Суднинг маъмурий қамоққа олиш ёхуд маъмурий тарзда чиқариб юбориш тўғрисидаги қарорларини қайта кўриб чиқиш бўйича – шикоят ёки протест берилган пайтдан эътиборан бир сутка давомида (агар ҳуқуқбузар маъмурий қамоқда бўлса ёхуд маъмурий тарзда чиқариб юборилиши керак бўлса) |
|||
|
Назорат инстанцияси |
Олий суднинг маъмурий ишлар бўйича судлов ҳайъати – кассация инстанцияси судининг суд ҳужжатлари |
Тегишли ҳужжат чиқарилган кундан эътиборан 6 ой давомида |
Назорат шикоятини келиб тушган кундан эътиборан 5 кунлик, иш талаб қилиб олинганда эса –30 кунлик муддатда Олий суд судьяси ўрганади |
|
Олий суд Раёсати – Олий суднинг маъмурий ишлар бўйича судлов ҳайъатининг ишни назорат тартибида кўриш натижалари юзасидан чиқарган қарори |
Иш қуйидаги кундан эътиборан 1 ойдан кечиктирмай кўрилади: – назорат шикоятини (протестни) ишга қабул қилиш тўғрисида суд ажрими чиқарилган; – протест Олий суд Раёсати Котибиятига келиб тушган |
2-жадвал.
|
Қайта кўриш асослари (янги очилган ҳолатлар) |
Ишни қайта кўриш ҳуқуқига эга бўлган суд |
Ариза бериш муддати |
Аризани суд кўриши муддати |
|
Суд ҳужжати қабул қилинган пайтда мавжуд бўлган, лекин аризачига маълум бўлмаган ва маълум бўлиши мумкин бўлмаган иш учун муҳим ҳолатлар |
Биринчи инстанция суди томонидан чиқарилган, қонуний кучга кирган қарор янги очилган ҳолатлар бўйича ушбу қарорни чиқарган маъмурий суд томонидан кўрилади |
Суд ҳужжатини қайта кўриш учун асос бўладиган ҳолатлар очилган кундан эътиборан 1 ойдан кечиктирмай |
Ариза судга келиб тушган кундан эътиборан 15 кун давомида |
|
Суднинг қонуний кучга кирган ҳукми билан аниқланган ва мазкур иш бўйича қонунга хилоф ёки асослантирилмаган суд ҳужжати қабул қилинишига сабаб бўлган экспертнинг била туриб ёлғон хулоса берганлиги, гувоҳнинг била туриб ёлғон кўрсатувлар берганлиги, била туриб ёлғон таржима қилинганлиги |
Янги очилган ҳолатлар бўйича кассация ёки назорат инстанцияси судининг қайси қарорлари билан суд ҳужжати ўзгартирилган ёки янги суд ҳужжати қабул қилинган бўлса, ўша қарорларни қайта кўриш суд ҳужжати ўзгартирилган ёки янги қарор қабул қилинган инстанцияда амалга оширилади |
||
|
Суднинг қонуний кучга кирган ҳукми, ажрими билан аниқланган ҳолатлар, яъни ишда иштирок этувчи шахснинг ёки унинг вакилининг ёхуд судьянинг мазкур ишни кўриш чоғида содир этилган жиноий қилмишлари |
|||
|
Маъмурий суднинг ёки фуқаролик ишлари бўйича суднинг ёхуд иқтисодий суднинг мазкур иш бўйича суд ҳужжатини қабул қилиш учун асос бўлиб хизмат қилган ҳужжати ёки бошқа органнинг қарори ёхуд бошқа ҳуқуқий ҳужжати бекор қилинганлиги |
Қонун 1.04.2018 йилдан кучга киради.
Мазкур ҳужжатнинг тўлиқ матни, шарҳлар ва у билан боғлиқ бошқа қонун ҳужжатларига ҳаволалар билан «Ўзбекистон Республикаси қонун ҳужжатлари» ахборот-қидирув тизимида яқинда танишиш мумкин.
Олег Заманов.
