Тегишли қарор Президент томонидан 2020 йил 20 апрелда имзоланди.
Ўзбекистон мусулмонлари идорасининг ахборотига кўра 2020 йил муборак Рамазон ойининг бошланиши 24 апрель кунига тўғри келади.
Бу йил юзага келган эпидемиологик вазиятда Рамазон ойи билан боғлиқ барча тадбирлар карантин қоидаларига қатъий риоя этилган ҳолда, уй шароитида, оила даврасида ўтказилиши лозим. Айниқса, ёрдамга муҳтож ва эҳтиёжманд шахсларни ҳар томонлама қўллаб-қувватлаш, оилалар ва маҳаллаларда меҳр-оқибат ва ўзаро ҳурмат муҳитини мустаҳкамлаш билан боғлиқ чора-тадбирларга алоҳида аҳамият берилиши лозим.
Мавжуд эпидемиологик шароитдан келиб чиқиб, диний-маърифий руҳдаги онлайн суҳбат ва маърузалар ташкил этиш, бу йилги Рамазон ойини уй шароитида ўтказиш билан боғлиқ тадбирлар ҳақидаги маълумотларни ёритиш тавсия этилди.
