Вазирлар Маҳкамасининг 7.08.2018 йилдаги 628 ва 629-сон қарорлари билан иккита эркин иқтисодий зонага Самарқанд ва Навоий шаҳарларида ер майдонлари берилди.
«Ургут» ЭИЗ Самарқанд шаҳар «Хишрав-2» массиви ҳисобига кенгайтирилади. Ажратилаётган ер майдони чегаралари қуйидагича:
- шимолий томондан – «Дарғом» канали ҳудуди;
- шарқий томондан – Самарқанд вилояти Ёнғин хавфсизлиги бош бошқармасининг малака ошириш маркази ҳудуди;
- жанубий томондан – давлат захира ерининг жарликкача бўлган ҳудуди;
- ғарбий томондан – Мудофаа вазирлигининг ҳарбий базасига туташ ҳудуди.
«Навоий» ЭИЗга эса С.Айний кўчасидаги (27 ва 69-уйлар) 84.1 гектарлик майдон берилди.
Ҳужжат Қонун ҳужжатлари маълумотлари миллий базасида эълон қилинган ва 08.08.2018 йилдан кучга кирди.
Самир Латипов.
