Vazirlar Mahkamasining 7.08.2018 yildagi 628 va 629-son qarorlari bilan ikkita erkin iqtisodiy zonaga Samarqand va Navoiy shaharlarida yer maydonlari berildi.
«Urgut» EIZ Samarqand shahar «Xishrav-2» massivi hisobiga kengaytiriladi. Ajratilayotgan yer maydoni chegaralari quyidagicha:
- shimoliy tomondan – «Dargʻom» kanali hududi;
- sharqiy tomondan – Samarqand viloyati Yongʻin хavfsizligi bosh boshqarmasining malaka oshirish markazi hududi;
- janubiy tomondan – davlat zaхira yerining jarlikkacha boʻlgan hududi;
- gʻarbiy tomondan – Mudofaa vazirligining harbiy bazasiga tutash hududi.
«Navoiy» EIZga esa S.Ayniy koʻchasidagi (27 va 69-uylar) 84.1 gektarlik maydon berildi.
Hujjat Qonun hujjatlari ma’lumotlari milliy bazasida e’lon qilingan va 08.08.2018 yildan kuchga kirdi.
Samir Latipov.
