Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Собиқ давлат мулки эгаларига низолашиш тақиқланади - buxgalter.uz да ўқингСизда ҳисобот жўнатишда техник носозлик бўлганлигини қандай исботлаш мумкин - buxgalter.uz да ўқингҚандай қилиб фойда солиғи бўйича боқимондага тушмаслик мумкин - buxgalter.uz да ўқингКамайиш томонга тузатилган солиқ бўйича ҳисоб-китоб қандай топширилади - buxgalter.uz да ўқингБухгалтернинг телефон рақами ўзгарса, солиқ органини қандай хабардор қилиш лозим - buxgalter.uz да ўқингЭлектрон ҳисобварақ-фактурада қайси сана асосий бўлади - buxgalter.uz да ўқингШахсий кабинетдаги тугмалар қаерга “ғойиб” бўлади - buxgalter.uz да ўқингСиз Humo терминалидан фойдаланяпсизми - buxgalter.uz да ўқинг1 февралдан бошлаб судга солиқ тўловчининг шахсий кабинети орқали мурожаат қилиш мумкин бўлади - buxgalter.uz да ўқинг2020 йил учун давлат статистика ҳисоботлари шакллари тасдиқланди - buxgalter.uz да ўқинг
  • www.norma.uz
  • Қонунчиликда янги
  • Олий таълим муассасасида «оширилган тўлов-контракт» асосида ўқиш: тўлов тафсилотларига аниқлик киритилди

Олий таълим муассасасида «оширилган тўлов-контракт» асосида ўқиш: тўлов тафсилотларига аниқлик киритилди

30.03.2018


Молия вазирининг буйруғи (27.03.2018 йилда 2431-2-сон билан рўйхатдан ўтказилган) билан Олий ва ўрта махсус, касб-ҳунар таълими муассасаларида ўқитишнинг тўлов-контракт шакли ва ундан тушган маблағларни тақсимлаш тартиби тўғрисидаги низомга ўзгартириш ва қўшимчалар киритилди.

 

Эслатиб ўтамиз, 2017/2018 ўқув йилидан бошлаб олий таълим муассасаларида оширилган контракт ставкалари бўйича қўшимча равишда ўқишга қабул қилиш жорий этилди. Танловдан ўта олмаган абитуриентлар ундан фойдаланиши мумкин.   

 

Қабул қилинган ҳужжатда олий таълим муассасалари ва талабалар ўртасидаги ўзаро молиявий муносабатлар тафсилотлари тартибга солинган.

 

Биринчидан, ўқиш учун оширилган контракт ставкаси ўқув йили давомида ўзгариши мумкин эмаслиги белгиланди. Қиёслаш учун: ўқув йили давомида иш ҳақи ва стипендиялар оширилса, энергия ресурслари, коммунал ва эксплуатация хизматларининг нархлари ва тарифлари ошса, оддий контракт миқдори ошиши мумкин. Бу ҳолда ўқув йилининг қолган даври учун қайта ҳисоб-китоб амалга оширилади, фарқ эса 1 ой муддатда қўшимча равишда тўланади.  

 

Иккинчидан, оширилган контракт ставкалари бўйича қўшимча қабул натижасида ўқишга кирган талабаларга стипендия дарсларга қатнашишларига рухсат берилган ойнинг биринчи санасидан бошлаб тўланиши белгиланди. Илгари оширилган контракт суммаси бундай буйруқ қабул қилинган санадан қатъи назар, тўлиқ тўланиши белгиланган эди.   

 

Учинчидан, оширилган контракт суммаси 1-курс учун тўлиқ тўланишини (2-курсдан семестрлар бўйича оддий контракт тўланади) ҳисобга олган ҳолда қуйидагича аниқлик киритилди: «оширилган тўлов-контракт» тўловчи ўқув интизомини ва ички тартиб-қоидаларни бузганлиги, дарсларни узрли сабабларсиз 74 соатдан ортиқ қолдирганлиги, академик қарздор бўлганлиги сабабли 1-курснинг биринчи семестри давомида талабалар сафидан четлаштирилганда, оширилган тўлови суммасининг 50%и қайтариб берилмайди.

 

Бироқ талаба ўз хоҳишига биноан, ўқишнинг бошқа таълим муассасасига кўчирилиши муносабати билан, саломатлиги туфайли (тиббий комиссия маълумотномаси асосида), суд томонидан озодликдан маҳрум этилганлиги муносабати билан ёхуд вафот этганлиги сабабли талабалар сафидан четлаштирилганда тўловнинг бир қисми қайтариб берилади. Қайтариладиган тўлов миқдори ўқув йилининг охирига қадар қолган ойлар сонини оширилган контракт ставкасининг 1/12 қисмига кўпайтириш орқали аниқланади.

 

Тўртинчидан, оширилган контракт ставкалари бўйича тўловдан тушган маблағлардан оддий тўлов-контракт маблағлари сингари мақсадларда фойдаланилиши мумкинлиги ҳақида аниқлик киритилди (Низомнинг 34-бандига қаранг).

 

Бундан ташқари, энди ўқув йили давомида ўқишга қабул қилинган ёхуд тикланган талабаларга стипендия фақат ўқув йилининг охирига қадар қолган давр учун тайинланади.

 

Ҳужжат Қонун ҳужжатлари маълумотлари миллий базасида эълон қилинган ва 28.03.2018 йилдан кучга кирди.

 

Мазкур ҳужжатнинг тўлиқ матни, шарҳлар ва у билан боғлиқ бошқа қонун ҳужжатларига ҳаволалар билан «Ўзбекистон Республикаси қонун ҳужжатлари» ахборот-қидирув тизимида танишиш мумкин. 

 

Самир Латипов.