Вазирлар Маҳкамасининг 24.11.2017 йилдаги 941-сон қарори билан Портлаш хавфи бўлган муҳитларда ишловчи асбоб-ускуналарнинг хавфсизлиги тўғрисидаги умумий техник регламент тасдиқланди.
Ҳужжатни қўллаш соҳаси қуйидаги тарзда белгиланди:
Умумий техник регламент қуйидагиларга татбиқ этилади: |
Умумий техник регламент қуйидагиларга татбиқ этилмайди: |
0, 1 ва 2-синфдаги (газли муҳитлар) ва (ёки) 20, 21 ҳамда 22 –синфдаги (чангли муҳитлар) портлаш хавфи бўлган ҳудудлардаги портлаш хавфи бўлган муҳитлардаги иш учун асбоб-ускуналар, жумладан электр ускуналар ва Ex-компонентлар.
Портлаш хавфи бўлган ҳудудлар таснифлари ва портлаш хавфи бўлган ҳудудлардаги иш учун асбоб-ускуналар техник регламентга иловаларда келтирилган. |
– портлаш хавфи бўлган муҳитлардаги иш учун мўлжалланмаган, таркибида портлаш хавфи бўлган моддалар ва чидамсиз кимёвий бирикмалар мавжуд бўлган техник қурилмалар ва буюмлар (портловчи модда, порох ва ҳоказо);
– портлаш хавфи бўлган муҳит кутилмаганда ёнувчан газнинг сизиб чиқиши оқибатида ҳосил бўлган шароитларда маиший ва ноишлаб чиқариш қўлланишидаги газ ишлатадиган асбоб-ускуналар;
– Ўзбекистон чегарасидан транзит ўтадиган асбоб-ускуналар;
– тиббиёт буюмлари;
– якка тартибда ҳимояланиш воситалари;
– умумий фойдаланишдаги ҳаво, автомобиль, темир йўл ёки сув транспортига ўрнатилган машиналар ва асбоб-ускуналар;
– ядровий тадқиқот қурилмалари, портлаш хавфи бўлган ҳудудларда жойлашган уларнинг таркибига кирадиган асбоб-ускуналардан ташқари.
|
Ҳужжат асбоб-ускуналарни лойиҳалаштириш, ишлаб чиқариш ва техник ҳужжатларга қўйиладиган талабларни, шунингдек асбоб-ускуналарнинг қўйиладиган талабларга мувофиқлигини баҳолашни амалга ошириш тартибини белгилайди.
Регламентга риоя қилиниши устидан давлат назоратини қуйидагилар амалга оширади:
- «Саноатгеоконтехназорат» давлат инспекцияси;
- Ички ишлар вазирлиги;
- бошқа махсус ваколатли давлат органлари ўз ваколатлари доирасида.
Ҳужжат Қонун ҳужжатлари маълумотлари миллий базасида расман эълон қилинган ва 26.05.2018 йилда кучга киради.
Мазкур ҳужжатнинг матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Олег Заманов,
экспертимиз.