Қурувчилар, умумий овқатланиш ва чакана савдо учун ЯИТ ҳисоб-китоби тартиби соддалаштирилди

Ушбу тармоқлар корхоналари ЯИТнинг энг кам миқдорини ходимлар сони ва меҳнатга ҳақ тўлаш фондининг энг кам меъёрларидан келиб чиққан ҳолда белгилайдилар (АВ томонидан 28.12.2010 йилда 2173-сон билан рўйхатдан ўтказилган). Ҳисоб-китоб тартиботи кўп босқичли бўлиб, аксарият бухгалтерлар учун жуда мураккабдир. Пировардида кўплаб хатоликлар, пеня ва жарималар, шунингдек, солиқ маъмуриятчилигидаги мураккабликлар юзага келарди.

Энди эса чакана савдо, умумий овқатланиш ва қурилиш корхоналари учун ЯИТ ҳисоб-китоби сезиларли равишда соддалаштирилди – улар ЯИТнинг энг кам миқдорини бошқа хўжалик юритувчи субъектлар сингари, яъни энг кам иш ҳақининг каррали миқдорларидан келиб чиқиб ҳисоблайдилар (АВ томонидан 13.04.2010 йилда 2095-сон билан рўйхатдан ўтказилган):

• ҳар бир ходим учун ойига 0,65 ЭКИҲ – микрофирма ва кичик корхоналар учун;
• ҳар бир ходим учун ойига 1 ЭКИҲ – бошқа ЯИТ тўловчилар учун.

Эслатиб ўтамиз, ушбу тартиб ихтисослашган цехлар, участкалар ва корхоналарда ишлайдиган ногиронларнинг меҳнатга ҳақ тўлаш фондларига, шунингдек, янгитдан ташкил этилган кичик тадбиркорлик субъектларига давлат рўйхатидан ўтган санадан эътиборан 6 ой мобайнида татбиқ этилмайди. Агарда улар ушбу даврда ўз эҳтиёжлари учун объектлар қуришса, тугалланган объектни қабул қилиш далолатномаси тасдиқланган санадан 6 ой ўтгунга қадар, бироқ давлат рўйхатидан ўтказилган санадан бир йилдан кўп бўлмаган муддатда ЯИТнинг энг кам миқдорини ҳисобга олмасалар ҳам бўлади.

Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.

Ирина Ахметова

экспертимиз. 

Мавзуга оид материаллар:

Корхоналар ва пенсия жамғармаси муносабатлари ўзгарди

ССП тадбиркорларнинг солиқлар бўйича одатий хатоларини маълум қилди