Президентнинг 13.04.2017 йилдаги ПҚ-2887-сон Қарори билан Ташқи савдо вазирлигининг ташкилий тузилмаси ва марказий аппарати тузилмаси (бошқарув ходимларининг чекланган сони – 71 бирлик) тасдиқланди.
Эслатиб ўтамиз, Ташқи савдо вазирлиги Президентнинг 13.04.2017 йилдаги ПҚ-5012-сон қарори билан ТИАИСВни қайта ташкил этиш йўли билан ташкил этилган. Бу ҳақда батафсил бу ерда ёзганмиз.
Ҳужжатга кўра, Ташқи савдо вазирлиги Вазирлар Маҳкамасининг Экспорт салоҳиятини ва машинасозлик, автомобиль ва электротехника саноатини ривожлантириш, маҳсулотларни стандартлаштириш масалалари комплекси таркибига киради.
Вазирликнинг Қорақалпоғистон Республикаси, вилоятлар ва Тошкент шаҳридаги ваколатли вакиллари ҚР Вазирлар Кенгаши ва тегишли ҳокимлар билан келишган ҳолда ташқи савдо вазири томонидан лавозимга тайинланади ва ундан озод қилинади.
Идора Тошкент шаҳри, Истиқлол кўчаси, 51а-уй манзилида жойлашади.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Олег ЗАМАНОВ,
экспертимиз.
