Президентнинг 13.04.2017 йилдаги «Ташқи савдо соҳасида бошқарув тизимини такомиллаштириш чора-тадбирлари тўғрисида»ги Фармони ЎзАда эълон қилинди.
Ҳужжатга биноан, Ташқи иқтисодий алоқалар, инвестициялар ва савдо вазирлиги (ТИАИСВ) Ташқи савдо вазирлиги этиб қайта ташкил қилинади. Янги идора ТИАИСВнинг ташқи савдо муносабатлари қисмида унинг мажбуриятлари ва шартномалари, шу жумладан, ҳалқаро мажбуриятлари ва шартномалари бўйича ҳуқуқий вориси ҳисобланади.
Қисман бу Инвестициялар бўйича давлат қўмитасини ташкил этиш билан боғлиқ, унга ТИАИСВнинг қатор функциялари берилган. Биз бу ҳақда аввал батафсил ёзганмиз.
Ташкил этилган вазирлик ваколатли давлат органи бўлиб, ташқи савдо соҳасида давлат сиёсатини шакллантириш ва амалга ошириш учун масъул ҳисобланади. У ташқи савдо фаолиятини тартибга солиш соҳасида давлат бошқаруви органлари ишини мувофиқлаштиради.
Фармон билан Ташқи савдо вазирлигининг асосий вазифалари ва фаолияти йўналишлари тасдиқланди, шунингдек ТИАИСВни қайта ташкил этиш борасидаги ишларни мувофиқлаштириш ва амалга ошириш бўйича комиссия тузилди.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан яқин кунларда «Ўзбекистон Республикаси қонунчилиги» ахборот-қидирув тизимида танишиш мумкин.
Олег ЗАМАНОВ,
экспертимиз.
