2024 йил 15 ноябрдаги ЎРҚ-1001-сон Қонун билан Солиқ кодексининг 483-моддасига ипакчилик тармоғини янада ривожлантиришга қаратилган қўшимчалар киритилди.
Хусусан, ҳужжат билан Солиқ кодексининг 483-моддасига қуйидагиларни назарда тутувчи қўшимчалар киритилмоқда:
- жисмоний шахсларнинг уй шароитида тирик пилла етиштириш фаолиятидан (касаначиликдан) олинган даромадлари ЖШДСдан озод қилинади;
- уй шароитида тирик пилла етиштирувчи касаначилар меҳнатига ҳақ тўлашга йўналтириладиган маблағлар ижтимоий солиқдан озод қилинади;
- тутзорлар билан банд бўлган ер участкалари учун ер солиғи коэффициент қўлланилган ҳолда ҳисоблаб чиқарилади.
Мазкур қўшимча 2023 йил 1 январдан эътиборан юзага келган муносабатларга нисбатан ҳам татбиқ этилади.
Ҳужжат Қонун ҳужжатлари маълумотлари миллий базасида эълон қилинган ва 16.11.2024 йилдан кучга кирди.
Лола Абдуазимова
