Низом ва янги органнинг таркиби Вазирлар Маҳкамасининг 2019 йил 5 августдаги 649-сон қарори билан тасдиқланган.
Маслаҳат кенгашининг асосий вазифаларидан бири - ассоциацияни хорижга таълим олиш ва ишлаш учун чиқиб кетган ҳамда чиқишни режалаштирган ўзбекистонлик ёшларнинг кўмакчиси ва таянчига айлантириш.
Маслаҳат кенгаши ўзига юкланган вазифаларнинг бажарилиши бўйича Президент Администрацияси ва Ҳукуматга ҳар олти ойда ахборот киритади.
Шунингдек, Ассоциация фаолиятини қўллаб-қувватлаш ва самарадорлигини ошириш бўйича амалга ошириладиган чора-тадбирлар дастури қабул қилинди. Унга бошқалар қатори, ҳар чоракда “Ёшлар билан очиқ мулоқот кунлари” ва “Ёш ватандошлар” халқаро фестивалини ўтказиш киритилган. Ассоциация ваколатига кирадиган масалалар юзасидан ёрдам кўрсатиш учун куну тун хизмат кўрсатувчи ишонч телефони ва махсус веб-портал ишга туширилади.
.png)
