2018 йил 9 октябрь куни Париж шаҳрида имзоланган Ўзбекистон Республикаси Ҳукумати ва Франция Республикаси Ҳукумати ўртасида туризм соҳасида ҳамкорлик тўғрисидаги Ҳадли битим тасдиқланди (23.02.2019 йилдаги ПҚ–4208-сон қарорга қаранг).
Ҳужжат 2018 йил 8-9 октябрда Ўзбекистон Президентининг Францияга расмий ташрифи давомида давлатлар раҳбарлари томонидан имзоланган.
Яқин орада ТИВ мамлакатимиз томонидан мазкур халқаро шартнома кучга кириши учун зарур бўлган давлат ички тартиб-таомиллари бажарилганлиги тўғрисида тегишли билдиришнома йўллайди.
Ушбу ҳужжат кучга киргандан кейин Ўзбекистоннинг мажбуриятлари бажарилиши устидан назоратни таъминлаш Ҳукумат ҳамда тегишли вазирлик ва идораларнинг раҳбарлари зиммасига юклатилди.
Ҳужжат Қонун ҳужжатлари маълумотлари миллий базасида эълон қилинган ва 25.02.2019 йилдан кучга кирди.
Олег Заманов.
