Yongʻin auditining ijobiy xulosasi ob’yektni bir yil davomida FVVning rejali tekshiruvlaridan ozod qiladi. Bozorlar, savdo va savdo-koʻngilochar markazlari yongʻindan sugʻurtalanishi shart boʻladi, yongʻin tufayli yetkazilgan zarar uchun aybdor shaxs BHMning 3000 baravarigacha tovon toʻlashi mumkin.

Texnogen avariya va halokatlar natijasida aholiga yetkazilgan zararni baholash va qoplash mexanizmi tasdiqlandi. Bu maqsadlar uchun maxsus kompensatsiya fondlari tashkil etiladi. Halok boʻlganlarning oilalariga BHMning 500 baravarigacha, ogʻir tan jarohati olgan jabrlanuvchilarga esa sogʻliqqa yetkazilgan zararning ogʻirlik darajasiga qarab BHMning 200 baravarigacha bir martalik toʻlov nazarda tutilgan.

Prezident qarori bilan davlat tibbiy xizmatlarini koʻrsatishga xususiy tibbiyot tashkilotlarini jalb qilishning yangi mexanizmlari nazarda tutilgan. 2027 yil 1 yanvardan boshlab autsorsing shartlarida klinik va yordamchi xizmatlarni xarid qilishning yangilangan tartibi joriy etiladi, 2030 yilgacha esa ularning ulushini 30 foizga yetkazish rejalashtirilgan.

Ekstremistik tashkilotlarda ishtirok etish va ularni tuzganlik uchun endi turlicha jazo belgilandi. Ekstremistik materiallarni birinchi marta tayyorlash va saqlash uchun esa ma’muriy javobgarlik joriy etilmoqda. Adliya vazirligi ekstremistik tashkilotlar va materiallarning elektron reyestrini yuritadi.

Inflyatsion kutilmalarning pasayishi va inflyatsiya darajasining nisbatan barqarorlashishiga qaramay, yuqori ichki talab va tashqi iqtisodiy kon’yunkturaning oʻzgarishi bilan bogʻliq proinflyatsion xatarlarning saqlanib qolishi qat’iy pul-kredit sharoitlarini saqlab qolishni taqozo etmoqda.

2027 yil aprel oyidan boshlab Oʻzbekistonda xorijiy innovatsion loyihalarni jalb qilish va mamlakat startap tizimini rivojlantirishga qaratilgan "Land of Startups" ("Startaplar makoni") xalqaro tanlovi oʻtkaziladi. Tanlov sun’iy intellekt, moliyaviy va raqamli texnologiyalar, kreativ sanoat va sanoat yechimlari kabi beshta yoʻnalishni qamrab oladi.

Ilmiy-innovatsion faoliyat sub’yektlari reyestrini shakllantirish va yuritish tartibi toʻgʻrisidagi nizom tasdiqlandi. Hujjat mutaxassislarga ilmiy identifikatsiya raqamlarini berish, tegishli tashkilotlarni roʻyxatdan oʻtkazish va ularning faoliyat yoʻnalishlarini hisobga olishni nazarda tutadi.

2026 yil noyabr oyida ayrim ehtiyojmand oilalarga 1 million soʻm miqdorida bir martalik moddiy yordam toʻlab beriladi. Yoqilgʻi-energetika resurslari boʻyicha kompensatsiya olish uchun daromad chegarasi jon boshiga minimal iste’mol xarajatlarining 2 barobarigacha oshirildi.

Yoʻl harakati qoidalari buzilishini maxsus avtomatlashtirilgan foto va video qayd etish vositalariga qoʻyiladigan talablar yangilandi. Kameralar avtomobillar davlat raqami belgilarining kamida 95 foizini tanishi, haydovchining yuzi va xavfsizlik kamaridan foydalanishini qayd etishi lozim. 1 noyabrdan boshlab yoʻl-patrul xizmati inspektorlari 1.1 va 1.3 yoʻl chiziqlarini bosib oʻtishning ayrim holatlarini huquqbuzarlik sifatida rasmiylashtirmaydi.

Yoshlar tadbirkorligini davlat tomonidan qoʻllab-quvvatlash vositalari kengaytirildi. Vazirlar Mahkamasining 30.10.2026 yildagi 598-son qarori bilan IT- mutaxassislarni tayyorlash va ularning startap loyihalarini moliyalashtirish, shuningdek, Yoshlar tadbirkorligini rivojlantirish davlat maqsadli jamgʻarmasi va "Yoshlar Ventures" venchur fondi orqali qoʻllab-quvvatlashning yangi mexanizmlarini joriy etish nazarda tutilgan.

Suyultirilgan gaz yetkazib berish tizimiga bosqichma-bosqich bozor mexanizmlari joriy etiladi. 15 noyabrdan aholi uchun chakana narx bir kilogrammi uchun 5 000 soʻmni tashkil etadi. Bunda, ijtimoiy himoyaga muhtoj oilalar 2030 yil 1 yanvarga qadar xarid qilingan gazning har bir kilogrammi uchun 3 000 soʻmdan, biroq oyiga 20 kilogrammdan dan oshmagan miqdorda kompensatsiya olishlari mumkin.

Vazirlar Mahkamasining 28.10.2026 yildagi 594-son qarori bilan davlat organlari va tashkilotlarining kiberxavfsizlik sohasidagi mutaxassislarini tayyorlash, qayta tayyorlash va ularning malakasini oshirish tartibi tasdiqlandi. Oʻzbekistonda tan olingan xorijiy sertifikatlarga ega boʻlgan mutaxassislar majburiy malaka oshirishdan ozod etiladi.

Prezidentning 28.10.2026 yildagi PF-236-son Farmoni bilan 2026/2027 yilgi isitish mavsumida aholining ijtimoiy himoyaga muhtoj toifalari uchun 1 mln soʻm miqdorida bir martalik moddiy yordam ajratish koʻzda tutilgan. Toʻlovlar 2026 yil noyabr oyida amalga oshiriladi. Shuningdek, kommunal xarajatlar va koʻmir xaridi uchun kompensatsiya taqdim etish mezonlari kengaytirilmoqda.

2026 yil 22 oktyabrdan boshlab suv olish tartibini buzganlik uchun moliyaviy sanksiyalar toʻgʻrisidagi yangi Nizom (21.10.2026 yildagi VMQ 585-son) kuchga kiradi. U sanksiyalarni qoʻllash tartibini, hisob-kitob formulasini va ixtiyoriy toʻlovda «imtiyozlar»ni belgilaydi.

Suv omborlari va ularga tutash hududlarda turizm va servis infratuzilmasini rivojlantirish choralari belgilandi. Turistik xizmatlarni tashkil etuvchi tadbirkorlar yer soligʻi va mol-mulk soligʻining 50 foizlik stavkalaridan foydalanishi mumkin boʻladi.

Norma.uz portali 2026 yil 1 noyabrdan kuchga kiradigan milliy qonunchilikdagi asosiy oʻzgarishlar sharhini taqdim etadi.

Markaziy bank milliy toʻlov svitchi orqali chakana toʻlovlarni amalga oshirish qoidalarini tasdiqladi. 2027 yil 25 yanvardan yangi qoidalar asosida ish boshlaydigan tizim bank kartalari va elektron pullardan foydalangan holda milliy valyutadagi banklararo toʻlovlarni tunu kun qayta ishlash va kliring qilishni ta’minlaydi.

Vazirlar Mahkamasining 21.10.2026 yildagi 583-son qarori qabul qilindi, unda pudrat tashkilotlarining smeta qiymatini shakllantirish, boshqa va ishlab chiqarish xarajatlarini hisoblash yondashuvi oʻzgartirildi. Hujjat Milliy axborot tizimidagi jarayonlarni toʻliq avtomatlashtirish va xarajatlarni standartlashtirishga qaratilgan.

Byudjet mablagʻlari hisobidan moliyalashtiriladigan ob’yektlar uchun loyiha-qidiruv ishlari qiymati va muddatlarini hisoblashning yagona tartibi joriy etilmoqda, loyiha tashkilotlariga esa 30 foiz miqdorida boʻnak toʻlanadi.

Vazirlar Mahkamasining 22.10.2026 yildagi 586-son qarori bilan Toshkent shahri va Toshkent viloyatining bir qator tumanlaridagi issiqxona xoʻjaliklari uchun maxsus ekologik tartib joriy etildi. Qattiq yoqilgʻidan foydalanadigan issiqxonalar 2026 yil 1 dekabrga qadar muqobil isitish turlariga oʻtishlari yoki belgilangan ekologik talablarga rioya etilishini ta’minlashlari shart.

Oliy ta’lim, ilmiy tashkilotlar, startaplar va hokim maslahatchilari sun’iy intellekt sohasidagi ijtimoiy ahamiyatga ega loyihalari uchun Raqamli texnologiyalar vazirligining hisoblash quvvatlari va «katta ma’lumotlar» bazalaridan bepul yoki imtiyozli ravishda foydalanishi mumkin boʻladi.

Xorijda istiqomat qilayotgan vatandoshlar va ularning oila a’zolarini Oʻzbekistonga taklif qilish, shuningdek, fuqaroligi boʻlmagan shaxslarga biometrik harakatlanish hujjatlarini rasmiylashtirish boʻyicha davlat xizmatlari koʻrsatish reglamentlari tasdiqlandi. Arizalarni YaIDXP va DXM orqali topshirish mumkin.

2030 yil 1 yanvardan boshlab faqat tegishli ixtisoslik boʻyicha davlat roʻyxatidan oʻtgan mutaxassislar tibbiyot va farmatsevtika faoliyati bilan shugʻullanishi mumkin boʻladi. 19.10.2026 yildagi VMQ 577-son qarori bilan maxsus imtihonlar oʻtkazish, besh yil muddatga elektron guvohnomalar berishni nazarda tutuvchi roʻyxatdan oʻtkazish tartibi tasdiqlandi.

MB bank hisobvaraqlarini ochish, yuritish va yopish qoidalarini yangiladi. Oʻzgartirishlar reabilitatsiya, tashqi boshqaruv yoki tugatish tartib-taomillaridan oʻtayotgan tadbirkorlar uchun maxsus hisobvaraqlar ochishni nazarda tutadi, shuningdek, fuqarolarning oʻz bank hisobvaraqlari toʻgʻrisidagi ma’lumotlarni olish imkoniyatlarini kengaytiradi.

Uzluksiz ta’lim tizimida psixologik xizmatni rivojlantirish, mutaxassislar tayyorlash va yagona diagnostika usullarini joriy etish bilan shugʻullanadigan Psixologiya ilmiy-tadqiqot instituti tashkil etilmoqda. Oʻqituvchilar va oʻquvchilarni tekshirish oʻquv yilida kamida bir marta oʻtkazilishi rejalashtirilgan.

Uzluksiz ta’lim tizimida psixologik xizmatni rivojlantirish, mutaxassislar tayyorlash va yagona diagnostika usullarini joriy etish bilan shugʻullanadigan Psixologiya ilmiy-tadqiqot instituti tashkil etilmoqda. Oʻqituvchilar va oʻquvchilarni tekshirish oʻquv yilida kamida bir marta oʻtkazilishi rejalashtirilgan.

Prezident tomonidan «Lotin yozuviga asoslangan oʻzbek alifbosini joriy etish toʻgʻrisida»gi Qonunga oʻzgartirishlar kiritish haqidagi Qonun imzolandi, u yarim yildan keyin kuchga kiradi.

Qonunchilikni buzgan xoʻjalik yurituvchi sub’yektlarga nisbatan huquqiy choralarni qoʻllash imkoniyatini, shuningdek huquqbuzarlik bartaraf etilganidan keyin xoʻjalik faoliyatini tezda tiklash imkoniyatini cheklaydigan ayrim ma’muriy tartib-taomillar bartaraf etildi.