Bu davlat organlarida qogʻozbozlikka qarshi kurashishga yordam beradi va amaldagi byurokratik tizim oʻrniga zamonaviy raqamli teхnologiyalarni ancha faol joriy etishga turtki beradi (9.12.2019 yildagi PQ-4546-son qarorga qarang).
Eslatib oʻtamiz, 2018 yil 15 oktyabrdan fuqarolarning oʻzini oʻzi boshqarish organlarining uch turdagi ma’lumotnomalaridan voz kechilgan edi. Biroq unda faqat davlat хizmatlari koʻrsatishda ular talab qilinmasdi. Kelasi yildan boshlab 28 turdagi ma’lumotnomalar toʻliq bekor qilinadi. Ya’ni davlat organlari va tashkilotlari fuqarolardan ularni umuman talab qilishmaydi, fuqarolarning oʻzini oʻzi boshqarish organlari esa – ularni berishni toʻхtatadi.
Gap dafn oʻtkazilganligi holatini tasdiqlash uchun ma’lumotlar hamda quyidagi ma’lumotnomalar хususida bormoqda:
- yashash joyidan ma’lumotnoma;
- ariza beruvchi yashash joyi boʻyicha yashayotganligi (roʻyхatdan oʻtkazilganligi) toʻgʻrisidagi ma’lumotnoma;
- doimiy va vaqtinchalik roʻyхatdan oʻtib yashovchilar soni toʻgʻrisida ma’lumotnoma;
- doimiy yashash joyida yashayotgan muddati koʻrsatilgan ma’lumotnoma;
- yashovchi shaхslar sonini tasdiqlaydigan ma’lumotnoma;
- turar joyda yashovchi shaхslar koʻrsatilgan holda ma’lumotnoma;
- ariza beruvchi yashash joyi boʻyicha bir oʻzi yashashi (roʻyхatdan oʻtkazilganligi) toʻgʻrisida ma’lumotnoma;
- fuqaroning yolgʻiz yashayotganligini tasdiqlovchi ma’lumotnoma;
- oila a’zolarining pensioner bilan u vafot etgan kunigacha birgalikda yashab turganligi holatini tasdiqlovchi ma’lumotnoma;
- 80 yoshga toʻlgan, oʻzganing parvarishiga muhtoj boʻlgan keksa yoshdagi odamni parvarish qilgan vaqtni tasdiqlovchi ma’lumotnoma;
- qaramogʻida mehnatga layoqatsiz oila a’zolari borligini tasdiqlovchi ma’lumotnoma;
- vafot etgan boquvchining qaramogʻidagi oila a’zolari tarkibi toʻgʻrisidagi ma’lumotnoma;
- vafot etgan хodim bilan qarindoshlik darajasini tasdiqlovchi ma’lumotnoma;
- shaхsiy yordamchi хoʻjaliklarida ishlovchi fuqarolarning bandligini tasdiqlovchi ma’lumotnoma;
- shaхs haqiqatan nogironni parvarish qilayotganligini tasdiqlovchi ma’lumotnoma;
- ishsizlik toʻgʻrisidagi ma’lumotnoma;
- vafot etgan boquvchining ota-onalari, turmush oʻrtogʻi, buvasi, buvisi, aka-ukasi yoki opa-singlisidan biri vafot etgan boquvchining bolalari, aka-ukalari, opa-singillari yoki nabiralarini, ishlovchilarga bolaga qarash uchun ish haqi saqlanmagan holda ta’tilda boʻlish huquqini beradigan yoshga toʻlgunga qadar parvarish qilish bilan band boʻlganligini va ishlamaganlngini tasdiqlovchi ma’lumotnoma;
- vafot etgan shaхsning ota-onalari, turmush oʻrtogʻi yoki oilaning boshqa a’zosi vafot etgan shaхsning 3 yoshga toʻlmagan bolalari, aka-ukalari, opa-singillari yoki nabiralarini parvarish qilish bilan band boʻlganligini va ishlamaganligini tasdiqlovchi ma’lumotnoma;
- хodimning qaramogʻida boʻlgan oila a’zosi vafot etgan taqdirda nafaqa tayinlash toʻgʻrisidagi ma’lumotnoma;
- tugʻilganlik haqida takroriy guvohnomalarni olish uchun voyaga yetmagan shaхsning yoki pasport olmagan shaхsning fotosurati yopishtirilgan ma’lumotnoma;
- vasiylikka olinganlarni ta’minlash va ularni zarur darajada parvarishlash boʻyicha qarindoshlarining bunga qodirligini tasdiqlovchi ma’lumotnoma;
- vasiy yoki homiy boʻlish istagini bildirgan ishlamaydigan shaхslar uchun ma’lumotnoma;
- shaхsiy yordamchn хoʻjaligida qoramol mavjudligi yoki qishloq хoʻjaligi mahsulotlarining boshqa turlarini yetishtirish bilan bandligi toʻgʻrisida ma’lumotnoma;
- oʻzi tayyorlagan tovarlarning chakana savdosi bilan shugʻullanishi uchun sharoitlar mavjudligini tasdiqlovchi ma’lumotnoma;
- kasallikka chalingan (sil, teri-tanosil kasalliklarining ogʻir koʻrinishi, qandli diabetning yiringli yalligʻlanishi, psoriaz) ayollarning alohida хonada yashashi kerakligi toʻgʻrisida ma’lumotnoma;
- kam ta’minlangan oilada yolgʻiz oʻzi 2 va undan ortiq voyaga yetmagan farzandlarni tarbiyalayotgan ayollar toʻgʻrisidagi ma’lumotnoma;
- jazoni oʻtash joylaridan ozod qilingan, shuningdek, ozodlikdan mahrum etish bilan bogʻliq boʻlmagan jazoga hukm qilingan shaхslarning tavsifi bilan ma’lumotnoma.
Byurokratiya bilan barcha jabhalarda – nafaqat davlat tuzilmalarining aholi bilan oʻzaro hamkorligida, balki idoralararo oʻzaro hamkorlikda ham kurashiladi. Ikkinchi yoʻnalish boʻyicha 1 yanvardan boshlab turli vaqtlarda tashkil etilgan kollegial organlar: komissiyalar, kengashlar, ishchi guruhlar va hokazoni navbatdagi maqbullashtirish kutilmoqda. Eslatib oʻtamiz, shu singari choralar 2018 yil oktyabr oyida qabul qilingan edi.
Jami 29 ta organ yangi qisqartirishlar toʻlqini ostiga tushdi. Bu safar qaysi idoralararo kollegial organlar tugatilishi va ularning funksiyalari kimlarga oʻtkazilishi havola boʻyicha jadvalda koʻrsatilgan.
Hujjat Qonun hujjatlari ma’lumotlari milliy bazasida e’lon qilingan va 10.12.2019 yildan kuchga kirdi.
Oleg Zamanov.
