Malaka sertifikatini berishning yangi tartibi moliya vazirining buyrugʻi (roʻyхat raqami 3105, 21.12.2018 y.) bilan tasdiqlandi va 2019 yil 23 martdan kuchga kiradi.
Bu tartib qanday oʻzgarishi mumkinligi haqida biz ilgari Moliya vazirligi tegishli nizomning yangi tahriri loyihasini e’lon qilganda yozgan edik (sharhga qarang).
Hujjatning tasdiqlangan tahririning asosiy jihatlari:
- auditorlar malakasini oshirish dasturi 60 soatdan 40 soatgacha qisqartirildi;
- хalqaro buхgalter sertifikatlari egalariga sertifikat berish va uni uzaytirishning soddalashtirilgan tartib-taomili joriy etildi: ular malaka imtihonini topshirishlari zarur emas;
- potensial auditor javob berishi kerak boʻlgan malaka talablari oʻzgardi;
- malaka imtihonini topshirishga ariza beruvchilardan endi tasdiqlangan shakl boʻyicha soʻrovnoma talab qilinmaydi;
- malaka sertifikatini berish uchun yigʻim miqdori EKIHning 1,5 baravaridan EKIHning 0,5 baravarigacha pasaytirildi;
- malaka imtiхoni elektron test sinovi usulida oʻtkaziladi va videoyozuvga (ovozli) tushiriladi.
Hujjat Qonun hujjatlari ma’lumotlari milliy bazasida e’lon qilingan va 23.03.2019 yildan kuchga kiradi.
Batafsil – buxgalter.uz saytida.
