Vazirlar Mahkamasining 04.03.2024 yildagi VMQ-110-sonli “Oʻzbekiston Respublikasi Hukumatining ayrim qarorlariga ba’zi ijtimoiy nafaqalarni toʻlash tartibini takomillashtirishga qaratilgan oʻzgartirish va qoʻshimchalar kiritish toʻgʻrisida”gi Qarori qabul qilindi.
2024 yil 1 apreldan boshlab farzand tugʻilganda beriladigan bir martalik nafaqa puli:
- birinchi farzandi uchun – barcha ayollarga;
- ikkinchi farzandi uchun – farzand tugʻilgan paytda “Ijtimoiy himoya yagona reyestri” aхborot tizimiga kiritilgan oilaning a’zosi boʻlgan ayollarga rasmiylashtiriladi.
Qolgan barcha holatlarda nafaqa toʻlanmaydi.
Nafaqa olish uchun arizani davlat хizmatlari markazi yoki YaIDXP orqali berish mumkin.
Oʻzgartirish Vazirlar Mahkamasining 2023 yil 20 oktyabrdagi 550-son qaroriga 4-ilova – “Tugʻilganlikni qayd etish bilan bogʻliq kompleks davlat хizmatlarini koʻrsatishning Ma’muriy reglamenti”ga kiritilmoqda.
Hujjat Qonun hujjatlari ma’lumotlari milliy bazasida e’lon qilingan va 05.03.2024 yildan kuchga kirdi.
Sobir Nurberdiyev
