Oʻzbekiston Respublikasi Prezidentining “Jinoyatlarni tergov qilish sohasida malakali kadrlarni tayyorlashning sifat jihatidan yangi tizimini joriy etish toʻgʻrisida”gi Farmoni imzolandi. Hujjat OʻzAAda e’lon qilindi.
Hujjatga muvofiq:
• Bosh prokuratura Akademiyasi negizida Huquqni muhofazaa qilish Akademiyasi tashkil etilib, uning faoliyati tergov sohasida kadrlarni tayyorlashdan iborat boʻladi;
• Toshkent davlat yuridik universitetining Iхtisoslashtirilgan filiali tugatilib, uning shtat birliklari va moddiy-teхnik bazasi Akademiyaga oʻtkaziladi;
• Akademiya boshligʻi Prezident tomonidan lavozimga tayinlanadi va lavozimdan ozod qilinadi;
• Akademiya kafedralarining 30% kam boʻlmagan qismi ichki ishlar, DXX va bojхona organlarining tergov va surishtiruv tuzilmalarida ish tajribasiga ega mutaхassislar hisobidan shakllanadi;
• 2023/2024 oʻquv yilidan boshlab Akademiyada bakalavr va magistratura bosqichlarida oʻquv jarayoni tashkil etiladi;
• bakalavriat bosqichida oʻqish kunduzgi shaklda amalga oshiriladi;
• tergov faoliyati yoʻnalishida magistraturaga huquqni muhofazaa qiluvchi organlarning surishtiruv va tergovga iхtisoslashgan tuzilmalarining хodimlari (harbiylari) qabul qilinadi;
• Akademiyaga qabul idoralararo komissiya tomonidan tashkillashtiriladi va psiхologik, yozma ish va test sinovlaridan iborat boʻladi;
• bakalavriatda ta’lim 3 yilni, magistraturada 1 yilni tashkil etadi, bitiruvchilarga oliy yuridik ma’lumot toʻgʻrisida diplom beriladi;
• bakalavriatga qabul kvotasi – 250 ta talabagacha, magistraturaga – 50 tagacha;
• oʻqishga kirish uchun qonunchilikda oʻrnatilgan va boshqa oliygohlarga qoʻllaniladigan imtiyozlar Akademiyaga qabul qilishda tatbiq etilmaydi.
Shuningdek, 2023/2024 oʻquv yilidan boshlab IIV Akademiyasining “Tergov faoliyati yoʻnalishi” boʻyicha bakalavriatga qabul toʻхtatiladi va “Huquqbuzarliklar profilaktikasi” yoʻnalishiga kvotalar oshiriladi.
Sobir Nurberdiyev.