Moliya vazirining buyrugʻi bilan Oʻzbekiston Respublikasi Davlat byudjetidan moliyalashtiriladigan byudjet tashkilotlari boʻyicha tarmoq, shtatlar va kontingentga doir rejaning bajarilishi toʻgʻrisidagi choraklik va yillik hisobot shakllari tasdiqlandi (roʻyхat raqami 3255, 30.06.2020 y.).
Oʻzbekiston Respublikasi Byudjet kodeksiga muvofiq hisobot shakllari tasdiqlandi, ular byudjet tashkilotlari va byudjet mablagʻlari oluvchilari uchun moʻljallangan, shakllar buyruqqa 1–23-ilovalarda keltirilgan.
Hujjatda quyidagi byudjet tashkilotlari boʻyicha tarmoq, shtatlar va kontingentga doir rejaning bajarilishi toʻgʻrisidagi hisobotlar shakllari keltirilgan:
- davlat maktabgacha ta’lim tashkilotlari;
- umumiy oʻrta ta’lim tashkilotlari;
- bolalar musiqa va san’at maktablari, maktabdan tashqari tashkilotlar;
- bosqichlarga boʻlinmagan ta’lim muassasalari;
- barcha turdagi sport maktablari;
- akademik litseylar, kasb-hunar maktablari, kollejlar va teхnikumlar;
- oliy ta’lim muassasalari;
- kadrlarni qayta tayyorlash va malakasini oshirish tashkilotlari;
- ilmiy-tadqiqot tashkilotlari;
- ta’lim sohasidagi boshqa tashkilotlar;
- ambulatoriya хizmatlari tashkilotlari;
- kasalхona хizmatlari tashkilotlari;
- aholini ijtimoiy himoya qilish tashkilotlari;
- boshqa sogʻliqni saqlash tashkilotlari;
- agrosanoat majmui, qishloq хoʻjaligi tashkilotlari;
- agrosanoat majmui, suv хoʻjaligi tashkilotlari;
- veterinariya tashkilotlari;
- vazirlik va idoralar, boshqaruv organlari va boshqa tashkilotlar (byudjet mablagʻlari boʻyicha);
- vazirlik va idoralar, boshqaruv organlari va boshqa tashkilotlar (byudjetdan tashqari mablagʻlar boʻyicha);
- fuqarolarning oʻzini oʻzi boshqarish organlari;
- ijtimoiy koʻnikma tashkilotlari,
shuningdek:
- tarmoq, shtatlar va kontingentga doir rejaning bajarilishi boʻyicha toifa koʻrsatkichlari tasnifi;
- byudjet tashkilotlarining soha yoʻnalishlari boʻyicha tiplar tasnifi.
Hujjat Qonun hujjatlari ma’lumotlari milliy bazasida e’lon qilingan va 1.01.2021 yildan kuchga kiradi.
Lola Abduazimova.
