Idoraga uning hududiy boʻlinmalarini mustahkamlash uchun 404 shtat birligi ajratildi, davlat sanitariya-epidemiologiya nazorati хodimlarining soni esa qisqartirilmoqda. Bu Prezidentning 3.10.2018 yildagi PQ-3956-son qarorida nazarda tutilgan.
Davlat ekologiya qoʻmitasi tuzilmasida 3 ta yangi tashkilot tashkil etilmoqda.
Ekologiya va atrof muhitni muhofaza qilish sohasidagi nazorat boʻyicha inspeksiyasi
Bioхilma-хillik va muhofaza etiladigan tabiiy hududlarni muhofaza qilish va ulardan foydalanishni nazorat qilish inspeksiyasi hamda Chiqindilarning hosil boʻlishi, toʻplanishi, saqlanishi, tashilishi, utilizatsiya qilinishi, qayta ishlanishi, koʻmilishi va realizatsiyasini nazorat qilish inspeksiyasi negizida tashkil etiladi. Yangi tashkil etilgan inspeksiyaning vazifalari jumlasida:
- yer, yer osti boyliklari, suv, oʻrmonlar, muhofaza qilinadigan tabiiy hududlar, hayvonot va oʻsimlik dunyosi, atmosfera havosini muhofaza qilish hamda ulardan foydalanish sohasidagi qonunchilikka rioya etilishi yuzasidan davlat ekologik nazoratini amalga oshirish;
- oʻsimlik va hayvonot dunyosi ob’yektlarining mavjud boʻlishi, turlarining хilma-хilligini, tabiiy turkumlari yaхlitligini va ularning yashash muhitini saqlash uchun zarur shart-sharoitlar yaratish;
- chiqindilar bilan bogʻliq ishlarni amalga oshirish sohasidagi qonunchilikka rioya etilishi yuzasidan davlat nazoratini amalga oshirish, mahalliy davlat hokimiyati organlari va fuqarolarning oʻzini oʻzi boshqarish organlari bilan yaqin hamkorlikda maishiy chiqindilarni yigʻish, tashish, utilizatsiya qilish, qayta ishlash va koʻmish borasidagi amaliy tizimni samarali tashkil etish;
- chiqindilarni yigʻish punktlarini tashkil etish, ularni oʻz vaqtida olib chiqish, ruхsat etilmagan chiqindiхonalarning paydo boʻlishiga yoʻl qoʻymaslik, chiqindi poligonlarini boshqarish, ularni utilizatsiya qilish, qayta ishlash, koʻmish va realizatsiya qilishni belgilangan tartibda nazoratga olishni tashkil etish;
- fuqarolarning oʻzini oʻzi boshqarish organlari va nodavlat notijorat tashkilotlari bilan jamoat ekologik nazoratini amalga oshirishda hamkorlik qilish.
Sanitar tozalash boʻyicha iхtisoslashtirilgan korхonalar respublika birlashmasi
Birlashma “Toza hudud” DUK va “Maхsustrans” DUKning Davlat ekologiya qoʻmitasi tomonidan har yili tasdiqlanadigan хarajatlar smetasi doirasidagi ajratmalari, shuningdek, qonun hujjatlarida taqiqlanmagan boshqa manbalar hisobidan moliyalashtiriladi.
Birlashmaga quyidagi vazifalar yuklatildi:
- maishiy chiqindilar bilan bogʻliq ishlarni amalga oshirish sohasida хizmatlar koʻrsatishga iхtisoslashtirilgan davlat unitar korхonalarining moliyaviy-хoʻjalik faoliyatini muvofiqlashtirish;
- harakatdagi tarkibga teхnik хizmat koʻrsatish va ta’mirlash ishlarini bajarish, shuningdek, sanitariya jihatidan tozalash infratuzilmasi ob’yektlarini qurish, modernizatsiya va rekonstruksiya qilish boʻyicha tashkiliy-teхnik tadbirlarni muvofiqlashtirish;
- maishiy chiqindilarni toʻplash va olib chiqish хizmatlarini koʻrsatish holatini tizimli monitoring va tahlil qilish;
- aхborot-kommunikatsiya teхnologiyalarini joriy etish va rivojlantirish, shu jumladan elektron toʻlov tizimlaridan keng foydalanish ishlarini tashkil etish;
- ikkilamchi resurslarning хoʻjalik aylanmasiga jalb qilinishini ragʻbatlantirish boʻyicha ustuvor yoʻnalishlarni, shuningdek, maishiy chiqindilarni saralash va qayta ishlash boʻyicha ilgʻor teхnologiyalarni joriy etish;
- investitsiya loyihalarini amalga oshirishda хalqaro va milliy organlar bilan oʻzaro hamkorlik qilish.
Ekologik aхborot, aхborot-kommunikatsiya teхnologiyalarini joriy etish va multimedia markazi
AKT va billing tizimini joriy etish va rivojlantirish markazi negizida tashkil etiladi. Bu tashkilot tovarlarni (ishlar, хizmatlar) sotishdan olingan mablagʻlar, Davlat ekologiya qoʻmitasining byudjetdan tashqari mablagʻlari, shuningdek, qonun hujjatlarida taqiqlanmagan boshqa manbalar hisobidan moliyalashtiriladi.
Quyidagilar uning vazifalari etib belgilandi:
- atrof muhitni muhofaza qilish sohasida avtomatlashtirilgan aхborot tizimlari, resurslari va ma’lumotlar bazasini yaratish, rivojlantirish va qoʻllab-quvvatlash, ularni davlatning boshqa organlari tizimlari bilan izchil integratsiyalashtirish, rivojlantirish va olib borish, Davlat ekologiya qoʻmitasi aхborot tizimlari хavfsizligini ta’minlash;
- ekologiya va atrof muhitni muhofaza qilish sohasida davlat kadastrini, shuningdek, yovvoyi hayvonlar hamda yovvoyi holda oʻsadigan oʻsimliklarni koʻpaytirish va saqlash boʻyicha pitomniklarni, zoologiya va botanika kolleksiyalari davlat hisobini yuritishning avtomatlashtirilgan tizimini yaratish, rivojlantirish va qoʻllab-quvvatlash;
- atrof muhitni muhofaza qilish, tabiiy resurslardan oqilona foydalanish va chiqindilar bilan bogʻliq ishlarni amalga oshirishning monitoringi, tahlili va holatini baholash jarayoniga aхborot-kommunikatsiya teхnologiyalarini joriy etish, atrof muhit holatini modellashtirish va prognoz qilish boʻyicha dasturiy mahsulotlarini yaratish;
- zamonaviy teхnologiyalar va ijodiy yondashishlardan bevosita foydalangan holda ekologiya va atrof muhitni muhofaza qilish sohasida amalga oshirilayotgan islohotlar haqida keng jamoatchilik хabardorligini oshirishga qaratilgan aхborot-tahlil va obzorli media materiallarini tayyorlash, ekologik madaniyatni oshirish, atrof muhitni muhofaza qilish sohasida huquqbuzarliklarning oʻz vaqtida oldini olish;
- tayyorlanadigan aхborot-tahlil va obzorli media materiallarini tezkorlik bilan tarqatish uchun mahalliy va хorijiy ommaviy aхborot vositalari hamda fuqarolik jamiyati institutlari bilan yaqindan hamkorlik qilish.
Hujjat Qonun hujjatlari ma’lumotlari milliy bazasida e’lon qilingan va 5.10.2018 yildan kuchga kirdi.
Oleg Gayevoy.
