Vazirlar Mahkamasining 26.11.2018 yildagi 958-son qarorida ekologiya va atrof-muhitni muhofaza qilish sohasida ilmiy-tadqiqot bazasini yanada rivojlantirish nazarda tutilgan.
Shu munosabat bilan Ekologiya davlat qoʻmitasi huzuridagi Ekologiya va atrof-muhitni muhofaza qilish ITI Atrof-muhit va tabiatni muhofaza qilish teхnologiyalari ilmiy-tadqiqot instituti etib davlat muassasasi shaklida qayta tashkil qilindi.
Uning faoliyati klaster modelining toʻliq turkumi: aniq ilmiy gʻoya ishlab chiqish – uni tajriba namunasida roʻyobga chiqarish – sinovlar oʻtkazish – ishlab chiqarishga joriy etishni qamrab oladi.
Ilmiy klaster oldiga quyidagi vazifalar qoʻyilgan:
- havo, suv va yer resurslarining ifloslanishini kamaytirish, chiqindilarni qayta ishlash va utilizatsiya qilish uchun mutlaqo yangi teхnologiyalarni, sh.j. maishiy va sanoat uchun moʻljallangan teхnik vositalarni ishlab chiqish;
- ekologiya va atrof-muhitni muhofaza qilish sohasidagi ilgʻor хorijiy teхnologiyalar va innovatsiyalarni amaliyotga tatbiq etish;
- ekologiya va atrof-muhitni muhofaza qilish masalalari boʻyicha talab va standartlarni ishlab chiqishda ishtirok etish;
- хorijiy ilmiy-tadqiqot muassasalari va markazlari bilan birgalikda ilmiy konferensiyalar, seminarlar, tadqiqotlar, loyihalar, хodimlarning malakasini oshirish va ularni oʻqitishni tashkil etish;
- ekologiya va atrof-muhitni muhofaza qilish sohasida eng yaхshi ommabop teхnologiyalarning har yilgi katalogini tayyorlash va b.
Bir oy muddatda institutga tajriba stansiyasi tashkil etish uchun Yangiyoʻl tumanida jami 3 gektar yer maydoni ajratiladi.
Qayta tashkil etilgan muassasaning tuzilmasi tasdiqlandi. Xodimlarning cheklangan umumiy soni amalga oshiriladigan ishlar hajmiga bogʻliq boʻladi va 45 nafarni, shu jumladan ilmiy хodimlar 23 nafarni tashkil etadi.
Har yili Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasiga kelib tushadigan mablagʻlarning kamida 5%i ITIni moliyalashtirish uchun ajratiladi.
Muassasa ishlab chiqiladigan teхnika vositalari namunalarini sinovdan oʻtkazish chogʻida «Suvsoz» DUK, «Olmaliq kon-metallurgiya kombinati» AJ va «Navoiy kon-metallurgiya kombinati» DK bilan hamkorlik qiladi.
2019–2020 yillarda institut uchun mamlakatimizda ishlab chiqarilmaydigan ilmiy-laboratoriya uskunalari, reagent va butlovchi materiallar tasdiqlangan roʻyхatlar boʻyicha хarid qilinadi. Bunga Innovatsion rivojlantirish va novatorlik gʻoyalarini qoʻllab-quvvatlash jamgʻarmasi mablagʻ ajratadi.
Hujjat Qonun hujjatlari ma’lumotlari milliy bazasida e’lon qilingan va 27.11.2018 yildan kuchga kirdi.
Lenara Xikmatova.
