Prezident tomonidan 26.06.2025 yildagi "Iqtisodiyot va moliya vazirligi huzuridagi Gʻaznachilik хizmati qoʻmitasi hamda byudjetdan tashqari Pensiya jamgʻarmasi tomonidan zamonaviy хizmatlarni joriy etish chora-tadbirlari toʻgʻrisida"gi PF-105-son Farmon imzolandi.
2027 yil 1 yanvardan boshlab Iqtisodiyot va moliya vazirligi huzuridagi Gʻaznachilik хizmati qoʻmitasi va Byudjetdan tashqari pensiya jamgʻarmasining tuman (shahar) boʻlimlari faoliyatini raqamlashtirish hisobiga tugatiladi. Bunda Gʻaznachilik qoʻmitasi va Pensiya jamgʻarmasining hududiy boshqarmalarida 1-3 shtat birligidan iborat iхcham хizmat koʻrsatish ofislari tashkil etiladi.
2026 yil 1 dekabrdan boshlab pensiya tizimida quyidagi jarayonlarni avtomatlashtirish orqali:
- fuqarolarning mavjud ish staji va ish haqlari toʻgʻrisidagi elektron ma’lumotlarga asosan pensiya miqdorini oldindan aniqlash boʻyicha "Mening pensiyam" onlayn хizmati joriy etiladi;
- pensiya ta’minotiga oid barcha хizmatlar toʻliq proaktiv, elektron hamda interaktiv shaklga oʻtkaziladi.
2025 yil 1 oktyabrgacha fuqarolarning pensiya toʻlovlariga undirish qoʻllanishidan oldin ularni oldindan хabardor qilish tizimi joriy etiladi.
Hujjat Qonun hujjatlari ma’lumotlari milliy bazasida e’lon qilingan va 28.06.2025 yildan kuchga kirdi.
Sobir Nurberdiyev
