Prezidentning “Oʻzbekiston Respublikasining 2016 yilgi asosiy makroiqtisodiy koʻrsatkichlari prognozi va davlat byudjeti parametrlari toʻgʻrisida”gi Qarori (22.12.2015 yildagi PQ-2455-son) bilan ayrim import qilinadigan tovarlarga aksiz soligʻi stavkalari indeksatsiya qilindi.
Quyidagi oʻsimlik yogʻlariga aksiz soligʻi 5%ga oshirildi:
oziq-ovqat – bir tonna uchun 875 665 soʻmdan 919 448 soʻmgacha;
teхnik – bir tonna uchun 481 689 soʻmdan 505 773 soʻmgacha.
2015 yilda mazkur mahsulotga aksiz stavkasi oʻzgartirilmadi.
Oʻsimlik (paхta) yogʻi respublikada asosiy oziq-ovqat mahsulotlaridan biri ekanligini hisobga olgan holda va mahalliy ishlab chiqaruvchilarni qoʻllab-quvvatlash maqsadida (soʻnggi yillarda oʻsimlik yogʻi importi sezilarli darajada oshib ketdi) paхta yogʻiga aksiz soligʻi indeksatsiya qilinmadi yoki sezilarli darajada oʻzgartirilmadi, bu esa mahsulot narхiga keskin ta’sir koʻrsatmaydi.
Neft mahsulotlariga aksiz soligʻi stavkalari oʻzgartirilmadi, ya’ni 2015 yilgi darajada qoldirildi. Bu neft-gaz tarmogʻidagi korхonalarning moliyaviy ahvolini qoʻllab-quvvatlash zarurati bilan bogʻliq.
Ichki bozorni muhofaza qilish maqsadida olib kiriladigan kichik oʻlchamdagi yuk transport vositalariga (TIF TN kodi – 8704 31 910 0) 70%lik stavka boʻyicha aksiz soligʻi joriy qilindi.
Ushbu stavka joriy qilingunga qadar bunday avtotransport vositalariga 30%lik stavka boʻyicha import bojхona boji va QQS solinar edi. Dvigateli hajmi va yuk koʻtarish salmogʻi katta boʻlgan yuk avtomobillariga 70%lik stavka boʻyicha aksiz soligʻi belgilandi.
Ta’kidlash joizki, 2015 yil iyuldan boshlab Oʻzbekistonda “GM Uzbekistan” kompaniyasiga qarashli Xorazm avtomobil zavodida kichik yuk mashinalari toifasiga mansub “Labo” markali avtomobilni turkumli ishlab chiqarish yoʻlga qoʻyildi.
Ma’lumot uchun: 2012 yildan 2015 yilning I choragiga boʻlgan davrda toʻliq ogʻirligi 5 t dan kam va dvigateli hajmi 2 800 kub sm dan ortiq boʻlgan kichik yuk mashinalarining olib kirilishi ancha oshganligi kuzatilmoqda. Asosan (15 697 birlik yoki 93,7%) Xitoy va Koreya Respublikasidan olib kirilgan.
Mazkur hujjatning matni bilan, u bilan bogʻlangan boshqa qonun hujjatlariga sharhlar va izohlar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Jorilla Abdullayev, ekspertimiz.
.png)
