2019 yil 1 avgustdan boshlab byudjet muassasalari va tashkilotlari хodimlarining ish haqi, pensiyalar, stipendiyalar hamda nafaqalar miqdori 1,1 baravar oshiriladi (Prezidentning 12.07.2019 yildagi Farmoniga qarang).
Amaldagi koʻrsatkichlar bilan solishtirganda quyidagi manzara namoyon boʻladi:
|
Eng kam miqdor |
2018 yil 1 noyabrdan 2019 yil 1 avgustgacha (soʻm) |
2019 yil 1 avgustdan (soʻm) |
Oshirilish miqdori (%) |
|
ish haqi 1 sentyabrdan boshlab – bazaviy hisoblash miqdori va pensiyani hisoblashning bazaviy miqdori |
202 730 |
223 000 |
10 |
|
yoshga doir pensiyalar |
396 500 |
436 150 |
10 |
|
bolalikdan nogironligi boʻlgan shaхslarga beriladigan nafaqa |
396 500 |
436 150 |
10 |
|
zarur ish stajiga ega boʻlmagan keksa yoshdagi va mehnatga layoqatsiz fuqarolarga beriladigan nafaqa oyiga |
243 300 |
267 650 |
10 |
Tegishincha, mehnatga haq toʻlashning eng kam miqdori (MHEKM) ham oshadi. Hozir u EKIH (202 730 soʻm) va YaTSning birinchi razryadi boʻyicha tarif koeffitsiyentining (2,847) koʻpaytmasi sifatida belgilanib, 577 172,31 soʻmni tashkil etadi. Shu tariqa, 1 avgustdan “minimal” miqdorning oshishini inobatga olgan holda MHEKM 634 881 soʻmni (223 000 х 2,847) tashkil etadi. 1 sentyabrdan esa MHEKM qat’iy belgilanadi va 634 880 soʻmga teng boʻladi.
Bundan tashqari, 2019 yil 1 avgustdan boshlab:
- II guruh nogironligi boʻlgan shaхslarning nogironlik pensiyalari eng kam miqdori yoshga doir eng kam pensiyaning 50%idan 75%iga oshiriladi va 327 112,5 soʻmni tashkil etadi;
- II guruh nogironligi boʻlgan yolgʻiz shaхslar – pensionerlarning pensiyalariga ustama miqdori EKIHning 50%idan 75%iga oshiriladi va 167 250 soʻmni tashkil etadi;
- boquvchisini yoʻqotganlik nafaqasi yoshga doir pensiyaning eng kam miqdoridan kelib chiqib belgilanadi, hozir - zarur ish stajiga ega boʻlmagan keksa yoshdagi va mehnatga layoqatsizlarga beriladigan nafaqa miqdoridan kelib chiqib belgilanadi. Amaldagi mehnatga layoqatsiz oila a’zolari soniga amaldagi foizlar nisbati saqlanib qolinadi (quyidagi jadvalga qarang).
|
Boquvchisini yoʻqotganlik nafaqasining oʻzgarishi dinamikasi |
|||
|
Mehnatga layoqatsiz oila a’zolari soni |
Miqdori (%) |
Summasi (soʻm) |
|
|
2018 yil 1 noyabrdan 2019 yil 1 avgustgacha |
2019 yil 1 avgustdan |
||
|
Uchta va undan ortiq |
100 |
243 300 |
436 150 |
|
Ikkita |
75 |
182 475 |
327 112,5 |
|
Bitta |
50 |
121 650 |
218 075 |
- I guruh nogironlik nafaqasi, shuningdek, 16 yoshdan katta bolalikdan I guruh nogironlik nafaqasi oluvchilarga har oyda EKIHning 25%i miqdorida qoʻshimcha toʻlov, ya’ni 55 750 soʻm joriy qilinmoqda.
Oleg Zamanov.
