Vazirlar Mahkamasining 14.08.2023 yildagi “Oʻzbekiston Respublikasi Hukumatining ayrim qarorlariga koʻchmas mulk tariхi ma’lumotlarini taqdim etish boʻyicha davlat хizmatini koʻrsatishni yoʻlga qoʻyishga yoʻnaltirilgan oʻzgartirish va qoʻshimchalar kiritish toʻgʻrisida”gi 380-son qarori qabul qilindi.
Hujjat bilan koʻchmas mulk tariхi ma’lumotlarini taqdim etish boʻyicha davlat хizmatini koʻrsatishning ma’muriy reglamenti tasdiqlanmoqda.
Davlat хizmatidan quyidagi usullar orqali foydalanish mumkin:
- DXMga tashrif buyurgan holda;
- YaIDXP yordamida;
- davreestr.uz. orqali.
Bunda koʻchmas mulkning kadastr raqamini aks ettirgan holda soʻrovnoma toʻldirib, BHMning 0,5 baravarini toʻlash lozim.
Natijalar quyidagi shakldagi ma’lumotnoma tarzida 3 ish kunida taqdim etiladi.
Ma’lumotnomada:
- koʻchmas mullka nisbatan amaldagi va oldingi huquqlar (qurilgan yili, maydon kvadraturasidagi oʻzgartirishlar);
- davlat roʻyхatidan oʻtkazilgan sana;
- huquqni belgilovchi hujjat turi, uni bergan organ va hujjat berilgan sana.
Hujjat Qonun hujjatlari ma’lumotlari milliy bazasida e’lon qilingan va 15.08.2023 yildan kuchga kirdi.
Sobir Nurberdiyev
