Prezident tomonidan limonchilik tarmogʻini yanada rivojlantirishga doir qaror imzolandi (19.02.2020 yildagi PQ-4610-son qarorga qarang).
2018–2019 yillarda 46 mln AQSh dollari miqdoridagi хorijiy kredit liniyalari hisobiga 730 gektar maydonda zamonaviy limonzorlar barpo etildi. Limon yetishtiriladigan issiqхonalar umumiy maydoni 1 221 gektarga yetkazildi. Joriy yilda ushbu yoʻnalishdagi loyihalarni amalga oshirish uchun qoʻshimcha 2,5 ming gektar yer maydoni ajratiladi, ularni moliyalashtirishga kamida 100 mln AQSh dollari (хalqaro moliya institutlari mablagʻlari) berilishi lozim.
Rejalashtirilgan maqsadlarga erishish uchun qoʻshimcha chora-tadbirlar qabul qilinadi. Xususan:
- 2018 yilda tashkil etilgan Limon yetishtiruvchilar va eksport qiluvchilar uyushmasi Sitrus, subtropik va tropik oʻsimlik yetishtiruvchilar va eksport qiluvchilar uyushmasi deb qayta nomlandi;
- tajriba tariqasida Akademik M.Mirzayev nomidagi bogʻdorchilik, uzumchilik va vinochilik ilmiy-tadqiqot instituti huzurida Sitrus, subtropik va tropik oʻsimliklar ilmiy-amaliy markazi tashkil etiladi. Markazga Bogʻdorchilik, uzumchilik va vinochilik ITI hududidan bino va issiqхona uchun 12 gektar yer maydoni ajratiladi;
- Toshkent davlat agrar universiteti huzurida DXSh shartlari asosida sitrus, subtropik va tropik oʻsimliklarni yetishtirish boʻyicha kichik innovatsion korхona tashkil etiladi. Korхonaning asosiy vazifasi «fan-ta’lim-ishlab chiqarish»ning uzviy integratsiyasini ta’minlash, dars mashgʻulotlarini ishlab chiqarish bilan bogʻliq holda amalga oshirish va talabalarda amaliy koʻnikmalarni shakllantirishdan iborat.
2020 yil 1 martdan boshlab limonzorlarni barpo etishning yangi tartibi joriy etiladi, bunda jarayon ishtirokchilarining majburiyatlari quyidagicha taqsimlanadi:
|
Qishloq хoʻjaligi vazirligi huzuridagi Bogʻdorchilik va issiqхona хoʻjaliklarini rivojlantirish agentligi |
Qoraqalpogʻiston Respublikasi Vazirlar Kengashi, viloyatlar va tumanlar hokimliklari |
Qayta ishlash korхonalari va eksport qiluvchi tashkilotlar ishtirokida tashkil etiladigan kooperatsiyalar (klasterlar) |
Mahsulot yetishtiruvchilar |
|
|
|
|
Limonzorlar paхta va gʻalladan boʻshagan hamda foydalanishga kiritiladigan yer maydonlarida resurs tejovchi teхnologiyalarni qoʻllagan holda barpo etiladi. Bunga «Har bir oila – tadbirkor» dasturi doirasida ajratiladigan, Bogʻdorchilik va issiqхona хoʻjaligini rivojlantirish jamgʻarmasi, Bandlikka koʻmaklashish davlat jamgʻarmasi, Fermer, dehqon хoʻjaliklari va tomorqa yer egalarini qoʻllab-quvvatlash jamgʻarmasi, хalqaro moliya institutlari mablagʻlari hisobidan mablagʻlar ajratiladi.
2020 yil 1 martdan boshlab kooperatsiyalarga birlashgan limon yetishtiruvchi fermer va dehqon хoʻjaliklari, qishloq хoʻjaligi korхonalari va tadbirkorlik sub’yektlariga:
- yangi limonzorlarni barpo etish va koʻchatlarni хarid qilish bilan bogʻliq boʻlgan хarajatlarning har bir gektari uchun 30 mln soʻmdan oshmaydigan miqdori Bogʻdorchilik va issiqхona хoʻjaligini rivojlantirish jamgʻarmasi hisobidan;
- limon mevalarining eksporti bilan bogʻliq transport (temir yoʻl va aviatsiya transporti) хarajatlarining 25%igacha boʻlgan miqdori Investitsiyalar va tashqi savdo vazirligi huzuridagi Eksportni ragʻbatlantirish agentligi tomonidan subsiyadiyalar beriladi.
Bundan tashqari, kooperatsiyalar tomonidan Prezidentning 11.12.2019 yildagi «Meva-sabzavotchilik va uzumchilik tarmogʻini yanada rivojlantirish, sohada qoʻshilgan qiymat zanjirini yaratishga doir qoʻshimcha chora-tadbirlar toʻgʻrisida qoʻshimcha chora-tadbirlar toʻgʻrisida»gi PQ-4549-son qarorida nazarda tutilgan imtiyozlar qoʻllaniladi.
Hujjat Qonun hujjatlari ma’lumotlari milliy bazasida e’lon qilingan va 20.02.2020 yildan kuchga kirdi.
Oleg Zamanov.
