Matbaa faoliyatini amalga oshirish uchun ruxsat berish boʻyicha davlat xizmatlari koʻrsatishning ma’muriy reglamenti tasdiqlandi (19.12.2019 yildagi 1017-son VMQga qarang).
Yuridik va jismoniy shaxslarga matbaa faoliyatini amalga oshirish uchun ruxsat berish boʻyicha davlat xizmati davlat xizmatlari markazlari yoki Yagona interaktiv davlat xizmatlari portali (keyingi oʻrinlarda – YaIXDP) orqali koʻrsatilishi belgilangan.
Tasdiqlangan Reglamentga muvofiq matbaa korxonasi alohida yuridik shaxs sifatida yoki mavjud yuridik shaxsning tarkibiy tuzilmasi sifatida tashkil etilishi mumkin. Jismoniy shaxslar matbaa faoliyatini amalga oshirish uchun yakka tartibdagi tadbirkor sifatida belgilangan tartibda roʻyxatdan oʻtishlari lozim.
Matbaa faoliyati deganda bosma mahsulotlarning qoliplarini tayyorlash, shu jumladan muhr va shtamplarni yasash, chop etish, muqovalash va chop etishdan keyingi jarayonlar tushuniladi. Mazkur jarayonlarning barchasi yoki alohida jarayoni ham matbaa faoliyati hisoblanadi.
Ushbu Reglament nusxa koʻchirish, dizaynerlik va fotostudiya xizmati, matn terish, original maket tayyorlash faoliyatlariga nisbatan tatbiq etilmaydi.
Matbaa faoliyatini amalga oshirish uchun ruxsat berish boʻyicha davlat xizmati davlat xizmatlari markazlari yoki YaIDXP orqali Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligining (keyingi oʻrinlarda vakolatli organ deb ataladi) hududiy boshqarmalari (Qoraqalpogʻiston Respublikasi, viloyatlar va Toshkent shahar) tomonidan amalga oshiriladi.
Matbaa faoliyatini amalga oshirish uchun guvohnoma 5 yil muddatga beriladi.
Matbaa faoliyatini amalga oshirish uchun ruxsat berish uchun davlat boji toʻlanadi, uning stavkalari quyidagi miqdorlarda belgilanadi:
|
T/r |
Matbaa faoliyati turi |
Davlat boji stavkasi (bazaviy hisoblash miqdori baravarida) |
|
1. |
Bosma nashrlarni bosish: a) yillik ish hajmi 2 mln bosma taboqqacha boʻlgan korxonalar; |
10 BHM |
|
b) yillik ish hajmi 2 mln bosma taboqdan ortiq boʻlgan korxonalar;
|
25 BHM |
|
|
2. |
Bosma mahsulotlarning qoliplarini tayyorlash
|
2,5 BHM |
|
3. |
Muhr va shtamplar tayyorlash. Bosma mahsulotlarini muqovalash
|
5 BHM |
|
4. |
Matbaa korxonalari chet el investitsiyalari ishtirokida tashkil etilgan yoki korxonaga Oʻzbekiston Respublikasida doimiy yashovchi chet el fuqarolari muassis (hammuassis) boʻlsa |
500 AQSh dollari miqdorida (Markaziy bank kursi boʻyicha soʻmda amalga oshiriladi)
|
Matbaa faoliyatini amalga oshirishni qayta roʻyxatdan oʻtkazish uchun davlat roʻyxatidan oʻtkazishda nazarda tutilgan davlat boji summasining 50%i miqdorida davlat boji toʻlanadi. YaIDXP orqali murojaat etilganda davlat boji belgilangan summaning 90%i miqdorida undiriladi.
Matbaa faoliyatini amalga oshirishga ruxsat berganlik uchun undirilgan davlat boji summasi quyidagicha taqsimlanadi:
|
Schyot nomi |
Davlat xizmatlar markaziga murojaat qilinganda |
YaIDXP orqali murojaat qilinganda |
|
Adliya vazirligi huzuridagi Davlat xizmatlari agentligi byudjetdan tashqari jamgʻarmasining shaxsiy hisobraqami |
20% |
10% |
|
Axborot va ommaviy kommunikatsiyalar agentligining Axborot sohasi va ommaviy kommunikatsiyalarni rivojlantirishni qoʻllab-quvvatlash jamgʻarmasi |
60% |
58,75% |
|
Tumanlar va shaharlar byudjetlari |
20% |
20% |
|
LBMA qoshidagi «Elektron hukumat va raqamli iqtisodiyot loyihalarini boshqarish markazi» DUKning maxsus hisobraqami |
– |
11,25% |
Davlat xizmati koʻrsatilishi tartib-taomili reglamentga ilovada keltirilgan sxemada aks ettirilgan.
Matbaa korxonasi ilgari shu nom bilan roʻyxatdan oʻtkazilgan yoki taqdim etilgan hujjatlarda ishonchli boʻlmagan va notoʻgʻri ma’lumotlar mavjud boʻlsa, uni roʻyxatdan oʻtkazish rad etilishi mumkin. Boshqa asoslarga koʻra rad etish taqiqlanadi.
Vakolatli organ davlat reyestrini yuritadi, unda quyidagi ma’lumotlar koʻrsatiladi:
- ariza beruvchining nomi, uning tashkiliy-huquqiy shakli, manzili, telefon raqami;
- soliq toʻlovchining identifikatsiya raqami;
- guvohnomaning berilgan sanasi va tartib raqami;
- matbaa korxonasining faoliyat turlari toʻgʻrisidagi ma’lumotlar;
- guvohnomani qayta rasmiylashtirish, uni toʻxtatib turish va amal qilishini tiklashning asoslari va sanasi;
- guvohnomaning amal qilishini toʻxtatishning asoslari va sanasi.
- guvohnomani bekor qilishning asoslari va sanasi.
Matbaa faoliyatini amalga oshiradigan korxonalar toʻgʻrisidagi ochiq ma’lumotlar vakolatli organning rasmiy veb-saytida yuridik shaxslar va fuqarolarning tanishishi uchun joylashtiriladi.
Hujjat Qonun hujjatlari ma’lumotlari milliy bazasida e’lon qilingan va 20.12.2019 yildan kuchga kirdi.
Anvar Irkaxodjayev.



