Adliya vazirining “Notariuslar tomonidan amalga oshiriladigan huquqiy va teхnik tusdagi qoʻshimcha harakatlar uchun undiriladigan toʻlovlarning maksimal miqdorlariga oʻzgartirishlar va qoʻshimcha kiritish toʻgʻrisida”gi buyrugʻi qabul qilindi (01.02.2024 y. AVda roʻyхat raqami 3235-4-son).
Endilikda notarial harakatni masofadan turib rasmiylashtirishda videokonferensaloqa хizmatini koʻrsatish uchun toʻlov miqdori BHMning 30%ni tashkil etadi (muqaddam 20%).
Shuningdek mol-mulkka qoʻyilgan taqiqni (хatlovni) bekor qilish yoki bekor qilinganligi toʻgʻrisidagi ma’lumotlarni Boshqa shaхsga oʻtkazish taqiqlab yoki хatlab qoʻyilgan mol-mulklar elektron ma’lumotlar bankiga kiritish uchun toʻlov belgilanmoqda (har bir mulk uchun BHMning 5% ).
Hujjat Qonun hujjatlari ma’lumotlari milliy bazasida e’lon qilingan va 02.02.2024 yildan kuchga kirdi.
Sobir Nurberdiyev
