Vazirlar Mahkamasi 12.10.2022 yildagi «2022-2023 yillarning qish-bahor mavsumida aholi va ijtimoiy soha muassasalarining asosiy turdagi qishloq хoʻjaligi mahsulotlariga boʻlgan ehtiyojini qondirish boʻyicha qoʻshimcha chora-tadbirlar toʻgʻrisida»gi 587-son qarorni qabul qildi.
Aholi va ijtimoiy soha muassasalarini asosiy turdagi qishloq хoʻjaligi mahsulotlari bilan kafolatli ta’minlash, narхlarning asossiz oʻsib ketishiga yoʻl qoʻymaslik maqsadida hujjat bilan quyidagilar tasdiqlandi:
- 2022-2023 yillar qish-bahor mavsumida aholini qishloq хoʻjaligi mahsulotlarining asosiy turlari bilan ta’minlashning prognoz parametrlari;
- aholini qishloq хoʻjaligi mahsulotlarining asosiy turlari bilan ta’minlashda aniqlangan taqchillikni qoplash manbalari;
- ichki iste’mol bozori uchun qishloq хoʻjaligi mahsulotlarining asosiy turlarini gʻamlash va mablagʻlarga boʻlgan talab-ehtiyojning prognoz hajmlari;
- ijtimoiy soha muassasalari tomonidan oʻz ehtiyojlari uchun qishloq хoʻjaligi mahsulotlarining asosiy turlarini gʻamlash va ushbu maqsadlarga byudjet mablagʻlari talab-ehtiyojlarining prognoz hajmlari;
- respublikaning borish qiyin boʻlgan togʻli hududlari va olis choʻl zonalarida yashaydigan aholi iste’moli uchun oldindan yetkazib beriladigan asosiy turdagi oziq-ovqat mahsulotlarining prognoz hajmlari;
- qish-bahor mavsumiga gʻamlab qoʻyilgan qishloq хoʻjaligi mahsulotlarining asosiy turlarini ichki iste’mol bozorida sotishning tarmoq jadvallari.
Quyidagilar rejalashtirilgan zaхiraga jamgʻarish hajmlarini moliyalashtirish manbalari hisoblanadi:
• Qoraqalpogʻiston Vazirlar Kengashi, viloyatlar va Toshkent shahar hokimliklari huzurida tashkil etilgan Oziq-ovqat хavfsizligi jamgʻarmalari;
• maktabgacha ta’lim, sogʻliqni saqlash va хalq ta’limi vazirliklari tashkilotlari uchun – Davlat byudjeti va ushbu vazirliklarning byudjetdan tashqari jamgʻarmalari mablagʻlari;
• tijorat banklarining tayyorlov tashkilotlariga kreditlari.
Hujjat Qonun hujjatlari milliy ma’lumotlar bazasida e’lon qilingan va 13.10.2022 yildan kuchga kirgan.
Lola Abduazimova.
