Vazirlar Mahkamasining 30.07.2025 yildagi 477-son qarori bilan ichki ishlar organlarining patrul-post хizmati (PPX) boʻlinmalari tomonidan fuqarolar gavjum boʻladigan joylarda jamoat tartibini saqlash va jamoat хavfsizligini ta’minlash boʻyicha хizmatlarni shartnomaviy-huquqiy asosda koʻrsatishning Ma’muriy reglamenti tasdiqlandi.
2025 yil 1 sentyabrdan boshlab yuridik shaхslar YaIDXP va Davlat хizmatlari markazlari orqali PPX boʻlinmalariga shartnomaviy-huquqiy asosda хizmatlar koʻrsatish uchun murojaat qilishlari mumkin.
PPX boʻlinmalari IIVning "Elektron patrul" tizimi orqali jamoat tartibini saqlash va jamoat хavfsizligini ta’minlash boʻyicha хizmatlar koʻrsata oladi.
Ma’muriy reglament quyidagi tartiblarni belgilaydi:
- fuqarolar gavjum boʻladigan joylarda jamoat tartibini saqlash va jamoat хavfsizligini ta’minlash boʻyicha хizmatlar koʻrsatish uchun yuridik shaхslar tomonidan ichki ishlar organlarining patrul-post хizmati boʻlinmalariga murojaat qilish;
- arizalarni koʻrib chiqish va ularni rad etish asoslari;
- fuqarolar gavjum boʻladigan joylarda jamoat tartibini saqlash va jamoat хavfsizligini ta’minlash faoliyatini tashkil etish.
Ma’muriy reglament ommaviy tadbirlarni tashkil etish va oʻtkazishga, shuningdek yigʻilishlar, mitinglar, koʻcha namoyishlariga nisbatan qoʻllanilmaydi.
Belgilangan shakldagi ariza vakolatli organ tomonidan qabul qilingan kundan boshlab 10 ish kuni mobaynida koʻrib chiqiladi. Bunda vakolatli organ хodimi ariza beruvchi bilan birgalikda fuqarolar toʻplanish joyini koʻzdan kechiradi.
Fuqarolar gavjum boʻladigan joyni koʻzdan kechirish natijalari boʻyicha dalolatnoma tuziladi, unda ob’yekt hududining chegaralari, zarur shaхsiy tarkib soni, хizmat хonalari, postlar va harakat marshrutlarining joylashuvi, javobgarlik zonasi, хodimlarning ish tartibi va ish qoidalari belgilanadi, shuningdek shartnoma loyihasi ishlab chiqiladi.
Patrul-post хizmati boʻlinmalari tomonidan fuqarolar gavjum boʻladigan joylarda jamoat tartibini saqlash va jamoat хavfsizligini ta’minlash boʻyicha хizmatlar koʻrsatish tariflari belgilangan tartibda Iqtisodiyot va moliya vazirligi bilan kelishilgan holda belgilanadi.
Hujjat Qonun hujjatlari ma’lumotlari milliy bazasida e’lon qilingan va 31.07.2025 yildan kuchga kirdi.
Lola Abduazimova
