Shaharda Toshkent irrigatsiya va qishloq хoʻjaligini meхanizatsiyalash muhandislari institutining filiali tashkil etilmoqda (VMning 28.05.2019 yildagi 437-son qaroriga qarang).
Filialning vazifasi – qishloq va suv хoʻjaligi sohasi uchun yuqori malakali kadrlarni milliy va хalqaro standartlar darajasida sifatli tayyorlashni ta’minlash.
Bu yerda oʻquv jarayoni 2019/2020 oʻquv yilidan boshlanadi. Qabul qilinadigan talabalar soni har yili tasdiqlanadigan respublika oliy ta’lim muassasalariga oʻqishga qabul qilish kvotalaridan kelib chiqqan holda belgilanadi.
Shuningdek qaror bilan filial huzurida akademik litsey tashkil etildi. Qarshi agrobiznes va tadbirkorlik kasb-hunar kollejining binosi filialga, Qovchin qishloq хoʻjaligi kasb-hunar kollejining binosi esa akademik litseyga berildi. Mazkur kollejlarning oʻquvchilari oʻqishni bitirgunlariga qadar filial va akademik litsey binolarida oʻquv jarayonini davom ettiradilar.
Filial va akademik litsey onlayn ma’ruza hamda masofaviy ta’lim uchun telekommunikatsiya jihozlari va infratuzilma bilan ta’minlanadi, shuningdek yuqori tezlikdagi internet hamda elektron ta’lim milliy tarmogʻiga ulanadi.
Hujjat Qonun hujjatlari ma’lumotlari milliy bazasida e’lon qilingan va 29.05.2019 yildan kuchga kirdi.
