Sogʻliqni saqlash vazirligining buyrugʻi bilan yangi Retseptsiz beriladigan dori vositalari roʻyхati tasdiqlandi (roʻyхat raqami 3315, 30.07.2021 y.).
Ilgarigi roʻyхat (roʻyхat raqami 3200, 6.12.2019 y.) bilan solishtirganda retseptsiz beriladigan monopreparatlar roʻyхati 105 taga qisqardi va 87 ta pozitsiyadan iborat. Majmuaviy preparatlar soni ushbu roʻyхatda 118 taga qisqardi va endi 814 ta pozitsiyadan iborat.
Sogʻliqni saqlash vazirligining buyrugʻi talablariga dori vositalarini berishda oʻramlari, tibbiyotda qoʻllanishiga doir yoʻriqnomada koʻrsatilgan tayinlash va qabul qilish tartibidan qat’i nazar amal qilinishi kerak.
Hujjat Qonun hujjatlari ma’lumotlari milliy bazasida e’lon qilingan va 30.07.2021 yildan kuchga kirdi.
Lola Abduazimova.
