Retseptsiz beriladigan dori vositalarining yangi roʻyхati e’lon qilindi (roʻyхat raqami 3200, 6.12.2019 y.).
Ilgarigi roʻyхatga qaraganda yangi roʻyхat 49 ta pozitsiyaga qisqargan. Biroq, shifokor retseptisiz beriladigan monopreparatlarning umumiy soni 4 taga oshgan, kompleks preparatlar esa shu roʻyхatda 53 taga kamaygan.
Umumiy roʻyхatda boʻlmagan barcha dori vositalariga endi retsept talab etiladi. Bu shifokorning farmatsevtik ma’lumotga ega boʻlgan mutaхassisga dori preparatini tayyorlash va (yoki) berish va uni qoʻllash usuli toʻgʻrisidagi yozma koʻrsatmasidir. Retseptning shakli Sogʻliqni saqlash vazirligi tomonidan tasdiqlanadi.
Eslatib oʻtamiz, retseptsiz preparatlar roʻyхati har yili yangilanadi (yilda kamida 1 marta). Qoidaga koʻra, bu noyabr-dekabrda roʻy beradi. Masalan, 2016, 2017 va 2018 yilda ham shunday boʻlgan.
Hujjat Qonun hujjatlari ma’lumotlari milliy bazasida e’lon qilingan va 6.12.2019 yildan kuchga kirdi.
Oleg Zamanov.
