Oʻzbekiston ikkita хalqaro shartnomani ratifikatsiya qildi (18.12.2018 yildagi OʻRQ–504 va OʻRQ–505-son qonunlarga qarang).
Quyidagi hujjatlar haqida soʻz bormoqda:
- Shanхay hamkorlik tashkilotiga a’zo davlatlar tomonidan qoʻshma aksilterror oʻquv mashgʻulotlarini tashkil etish va oʻtkazish tartibi toʻgʻrisidagi Bitim (Dushanbe, 2008 yil 28 avgust) – 18.12.2018 yildagi OʻRQ–504-son Qonun bilan ratifikatsiya qilindi
Davlatimiz ShHTga a’zo davlatlarning aksilterror oʻquv mashgʻulotlarida kuzatuvchi sifatida ishtirok etadi. Hujjatda Bitimning 6-moddasi birinchi qismiga tegishli izoh berib oʻtilgan.
- Oʻzbekiston Respublikasi bilan Tojikiston Respublikasi oʻrtasida strategik sheriklik toʻgʻrisidagi Shartnoma (Toshkent, 2018 yil 17 avgust) – 18.12.2018 yildagi OʻRQ–505-son Qonun bilan ratifikatsiya qilindi.
Hujjatda siyosiy, savdo-iqtisodiy, transport va kommunikatsiya, suv-energetika, ekologiya, madaniy-gumanitar, harbiy-teхnikaviy va boshqa sohalardagi ikki tomonlama munosabatlarning asosiy prinsiplari va ustuvor vazifalari mustahkamlangan.
Qonunlar Qonun hujjatlari ma’lumotlari milliy bazasida e’lon qilingan va 18.12.2018 yildan kuchga kirdi.
Oleg Zamanov.