Prezident tomonidan 16.10.2023 yildagi «Aviatsiya faoliyatini samarali tashkil etishga oid qoʻshimcha chora-tadbirlar toʻgʻrisida»gi PQ-337-son Qaror imzolandi.
Hujjatga muvofiq:
- «SILK AVIA» MChJ ustav kapitalidagi «Uzbekistan Airports» AJning 100 % ulushini «Uzbekistan Airways» AJ tarkibidagi «Uzbekistan Helicopters» MChJ ustav kapitaliga oʻtkaziladi;
- «Uzbekistan Airports» AJning 3 ta «ATR72-600» rusumli havo kemasi «SILK AVIA» MChJga begʻaraz oʻtkaziladi;
- «Uzbekistan Helicopters» MChJ zimmasiga mahalliy aviaqatnovlarning sonini oshirish, parvozlar geografiyasini kengaytirish, yangi yoʻnalishlarni yoʻlga qoʻyish hamda «ATR72-600» rusumli havo kemalari parkini rivojlantirish vazifalari yuklatiladi.
Hujjat Qonun hujjatlari ma’lumotlari milliy bazasida e’lon qilingan va 19.10.2023 yildan kuchga kirdi.
Sobir Nurberdiyev.
