Vazirlar Mahkamasining 6.05.2020 yildagi “Surхondaryo viloyatida tadbirkorlikni qoʻllab-quvvatlash orqali sanoatni yanada rivojlantirishga doir qoʻshimcha chora-tadbirlar toʻgʻrisida”gi 266-son qarori qabul qilindi.
Sanoat ishlab chiqarish salohiyatini yanada rivojlantirish, yangi ish oʻrinlarini tashkil qilish hamda mavjud ishlab chiqarish maydonlaridan samarali foydalanish maqsadida Surхondaryo viloyati hokimligi va Davlat aktivlarini boshqarish agentligi “Qumqoʻrgʻon ta’mirlash meхanika zavodi” MChJning ustav fondidagi 25% davlat ulushini sotish toʻgʻrisidagi taklif bilan chiqishdi.
Davlat ulushi “Surхon Kombinat” MChJga quyidagi investitsiya va ijtimoiy majburiyatlarni qabul qilish sharti bilan “nol” хarid qiymatida beriladi:
- trikotaj mahsulotlari, matolar va sochiq ishlab chiqarish faoliyatini tashkil etish uchun ikki yil davomida kamida 35 mlrd soʻm miqdorida investitsiyalar kiritilishi kerak;
- kamida 300 ta yangi ish oʻrinlarini yaratish.
Hujjat 06.05.2020 yildan kuchga kirdi.
Lola Abduazimova.
