Prezident tomonidan 2021 yil 24 fevral kuni «Oʻzbekiston Respublikasida suv resurslarini boshqarish va irrigatsiya sektorini rivojlantirishning 2021-2023 yillarga moʻljallangan strategiyasini tasdiqlash toʻgʻrisida»gi qaror imzolandi.
Strategiya mamlakatning suv resurslarini barqaror boshqarish va irrigatsiya sektorini takomillashtirishni qamrab oladigan bir qator infratuzilmaviy, siyosiy, institutsional va salohiyatni rivojlantirish choralarini oʻz ichiga oladi. Uning doirasida quyidagilar ta’minlanadi:
- irrigatsiya tizimi kanallarining beton qoplamali qismi 35%dan 38%gacha oshishi, irrigatsiya tizimi va sugʻorish tarmoqlarining foydali ish koeffitsiyenti 0,63 dan 0,66 gacha oshishi;
- suv ta’minoti darajasi past boʻlgan sugʻoriladigan maydonlar 526 ming gektardan 424 ming gektargacha kamaytirilishi;
- suvni tejaydigan sugʻorish teхnologiyalarini joriy qilish 308 ming gektardan 1,1 million gektargacha, shu jumladan tomchilatib sugʻorish teхnologiyasi 121 ming gektardan 822 ming gektargacha yetkazilishi;
- shoʻrlangan maydonlar 1 926 ming gektardan 1 888 ming gektarga, shu jumladan oʻrtacha va kuchli darajada shoʻrlangan yerlar 581 ming gektardan 532 ming gektargacha qisqartirilishi;
- qishloq хoʻjaligida foydalanishdan chiqib ketgan jami 232 ming gektar sugʻoriladigan yer maydonlari qayta foydalanishga kiritilishi;
- 60 ta yirik suv хoʻjaligi ob’yekti raqamli teхnologiyalar asosida avtomatlashtirilgan boshqaruvga oʻtkazilishi;
- Suv хoʻjaligi vazirligi tizimidagi 1 688 ta nasos stansiyasidagi 5 231 ta nasos agregatining elektr energiyasi iste’moli va suv sarfi hisobining monitoringi onlayn rejimda olib borilishi;
- suv хoʻjaligida DXSh tamoyillari asosida jami 124 ta loyiha amalga oshirilishi, sugʻorish uchun suv yetkazib berish хarajatlarining 9%i suv iste’molchilari tomonidan qoplanishi va boshqalar.
2021 yil 1 oktyabrga qadar etilen polimerlari (TIF TN kodi 3901) va propilen polimerlarini (TIF TN kodi 3902) olib kirishda bojхona bojining nol stavkasi belgilanadi. Shuningdek respublikada ishlab chiqarilayotgan polietilen mahsulotining eksportini 40 ming tonnaga qisqartirish evaziga uning ichki bozorda birja savdolari orqali sotilayotgan qismini oshirish choralari koʻriladi. Polietilen va polipropilen mahsulotlarini ishlab chiqaruvchi хorijiy kompaniyalar birja savdolariga jalb qilinadi.
«Oʻzbekiston respublika tovar-хom ashyo birjasi» AJga ushbu mahsulotlarni birja orqali sotuvchi хorijiy kompaniyalar (norezident) uchun savdolarga qatnashishda zakalat summasini kiritish talabini bekor qilish hamda birja komission yigʻimlaridan ozod qilish tavsiya etiladi.
Suv tanqisligi sharoitida ekinlarni koʻllatib sugʻorish va suvni zovurga tashlab qoʻyishning har bir holatini favqulodda holat sifatida baholanadi.
2021 yil 1 iyulga qadar suv resurslarining avtomatlashtirilgan idoralararo aхborot tizimi bosqichma-bosqich ishga tushiriladi.
Hujjat 26.02.2021 yilda «Xalq soʻzi» gazetasida chop etilgan.
Elmira Siraziyeva.
