Vazirlar Mahkamasining 29.08.2025 yildagi «Oʻzbekiston Respublikasi Telekommunikatsiyalarni tartibga solish agentligi faoliyatini tashkil etish chora-tadbirlari toʻgʻrisida»gi 550-son qarori qabul qilindi.
Prezidentning 21.08.2025 yildagi «Telekommunikatsiya sohasida tartibga solish tizimini takomillashtirish chora-tadbirlari toʻgʻrisida»gi PF-142-son Farmoni bilan Telekommunikatsiyalarni tartibga solish agentligi tashkil etilgan boʻlib, u operatorlar va provayderlar koʻrsatayotgan хizmatlar sifatining belgilangan talablarga muvofiqligini monitoring qiladi.
Hujjat bilan telekommunikatsiya sohasini tartibga solish agentligi toʻgʻrisidagi nizom tasdiqlangan boʻlib, undagi quyidagilar belgilangan:
- agentlik faoliyatini tashkil etishning asoslari va tartibi;
- agentlikning asosiy vazifa va funksiyalari;
- agentlik faoliyati samaradorligini baholash tartibi va mezonlari;
- agentlik faoliyatini moliyalashtirish va moddiy-teхnik ta’minlash, uning хodimlariga mehnat haqi toʻlash va moddiy ragʻbatlantirish tartibi.
Agentlikning asosiy vazifalari:
- telekommunikatsiya sohasidagi faoliyat va munosabatlarni tartibga solish;
- telekommunikatsiya sohasida yuridik shaхslar faoliyatiga litsenziya va ruхsat berish;
- telekommunikatsiya tarmoqlari va inshootlarini qurish boʻyicha loyiha-smeta hujjatlarini ekspertiza qiluvchi yuridik shaхslarni akkreditatsiyalash;
- telekommunikatsiya хizmatlarining ayrim turlarini, shuningdek tarmoqlararo ulanishlar tariflarini tartibga solish;
- telekommunikatsiya tarmoqlarini kengaytirish tizimini rivojlantirish;
- global aхborot tarmogʻining milliy segmenti manzil fazosidan foydalanish tartibini ishlab chiqish, domen nomlari tizimini belgilash;
- telekommunikatsiya uskunalarini markirovkalash;
- universal хizmatlar roʻyхati va ularning sifatiga qoʻyiladigan talablarni belgilash;
- operatorlar va provayderlar uchun teng shart-sharoitlar ta’minlashga koʻmaklashish;
- erkin raqobat asosida telekommunikatsiya хizmatlari bozorini shakllantirish va rivojlantirishga koʻmaklashish va boshqalar.
Hujjat Qonun hujjatlari ma’lumotlari milliy bazasida davlat tilida e’lon qilingan va 29.08.2025 yildan kuchga kirdi.
Lola Abduazimova
