“Xalqaro sirk san’ati” festivalini oʻtkazish tartibi toʻgʻrisidagi nizom tasdiqlandi (VMning 27.06.2019 yildagi 535-son qarori).
U 2021 yildan boshlab har ikki yilda bir marta Toshkent shahrida oʻtkaziladi. Madaniyat vazirligi hamda Toshkent shahar hokimligi uni tashkil etish va oʻtkazish uchun mas’ul hisoblanadi. Bir oy muddatda festival veb-sayti tayyorlanib, Internetga joylashtiriladi hamda muntazam ravishda mazkur tadbir haqidagi yangiliklar, fotosuratlar, audio va video materiallar bilan yangilab boriladi.
Festival doirasida sirk ustalarining хalqaro koʻrik-tanlovi oʻtkaziladi. Koʻrik-tanlovda ishtirok etishni istaganlar uni oʻtkazish sanasidan 2 oy oldin Madaniyat vazirligiga hujjatlarni taqdim etishlari lozim.
Koʻrik-tanlov ishtirokchilari quyidagi toʻrtta yoʻnalish boʻyicha baholanadi:
- gimnastika;
- akrobatlar;
- hayvonlar olami;
- maхsus (original) chiqishlar.
Koʻrik-tanlov gʻoliblari diplom, statuetka va quyidagi pul mukofotlari (har bir yoʻnalish doirasida bittadan) bilan taqdirlanadi:
- I - oʻrin - 5 000 AQSh dollari;
- II - oʻrin - 3 500 AQSh dollari;
- III - oʻrin - 2 000 AQSh dollari.
Festivalning har bir qatnashchisiga tegishli sertifikat beriladi.
Hujjat Qonun hujjatlari ma’lumotlari milliy bazasida e’lon qilingan va 28.06.2019 yildan kuchga kirdi.