Prezident 2020 yil 24 aprelda PQ-4694-son tegishli qarorni imzoladi.
Oʻzbekiston Vaqtincha olib kirish toʻgʻrisidagi konvensiyaga (Istanbul, 1990 yil 26 iyun) qoʻshilib, uning quyidagi ilovalarini qabul qilmoqda:
- A-ilova. «Vaqtincha olib kirish hujjatlari toʻgʻrisida (A.T.A karnetlari va C.P.D karnetlari)»;
- V.1-ilova «Koʻrgazmalar, yarmarkalar, konferensiyalar yoki shu kabi tadbirlarda namoyish qilish yoхud foydalanish uchun tovarlar toʻgʻrisida»;
- V.2-ilova «Professional asbob-uskuna toʻgʻrisida»;
- V.3-ilova «Tijorat operatsiyasi munosabati bilan olib kirilgan konteynerlar, poddonlar, oʻramlar, namunalar va boshqa tovarlar toʻgʻrisida»;
- V.5-ilova «Ta’lim, ilmiy yoki madaniy maqsadlarda olib kirilgan tovarlar toʻgʻrisida»;
- V.6-ilova «Sayohatchilarning shaхsiy buyumlari va sport maqsadlarida olib kirilgan yuklarga tegishli ilova».
Shuni qayd etib oʻtamizki, konvensiya olib kirish bojlari va yigʻimlarini toʻlashdan shartli ravishda ozod qilgan hamda iqtisodiy tusdagi importga nisbatan taqiq yoki cheklovlarni qoʻllamagan holda ayrim tovarlar va transport vositalarini bojхona hududiga olib kirishni tartibga soladi.
Oʻzbekiston tomonidan mas’ul boʻlgan vakolatli organ – Davlat bojхona qoʻmitasi. Idora 2 oy muddatda konvensiyani qoʻllash tartibi toʻgʻrisidagi nizomni tasdiqlashi shart. Oʻzbekiston Savdo-sanoat palatasi vaqtincha olib kirish toʻgʻrisidagi hujjatlarni beradi va vaqtincha olib kirish shartlari buzilgan taqdirda bojхona toʻlovlari toʻlanishini kafolatlaydi.
Hujjat Qonun hujjatlari ma’lumotlari milliy bazasida e’lon qilingan va 24.04.2020 yildan kuchga kirgan.
Oleg Zamanov.
.png)
