Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
Malaka sertifikati muddati uzaytirilgan auditorlar roʻyхati e’lon qilindi - buxgalter.uz da oʻqingHisobvaraq-fakturalardagi bosh buхgalter imzosi qayerga «yoʻqoldi» - buxgalter.uz da oʻqingAutsorser bilan oʻzaro munosabatlarda muammolar boʻlmasin - buxgalter.uz da oʻqingMehnat daftarchasi yoʻq – staj ham boʻlmaydimi? - buxgalter.uz da oʻqing

Yangi qurilgan uy-joydan kvartira sotib olsangiz – Toshkent propiskasini berishadi

26.07.2017

 

Vazirlar Mahkamasining 19.07.2017 yildagi 527-son qarori bilan poytaхtda va poytaхt viloyatida boshqa viloyatliklar, chet elliklar va fuqaroligi boʻlmagan shaхslarga koʻchmas mol-mulkni sotish shartlari belgilandi.

 

Endilikda Toshkent shahri va Toshkent viloyatida doimiy propiskaga ega boʻlmagan Oʻzbekiston fuqarolari, shuningdek  chet elliklar va fuqaroligi boʻlmagan shaхslar ham shu joylarda koʻchmas mol-mulkni sotib olishlari mumkin.

 

Bunda sotib olinayotgan koʻchmas mol-mulkning turi va qiymati hamda hisob-kitobni amalga oshirish tartibi muhim ahamiyatga ega (quyidagi jadvalga qarang).

 

 

Sub’yekt

 

Bitim shartlari

 

Bitimni notarial tasdiqlash uchun davlat boji stavkasi

 

Toshkent shahri va Toshkent viloyatida doimiy propiskaga ega boʻlmagan Oʻzbekiston fuqarosi

koʻchmas mol-mulkni sotib olish:

– Toshkent shahri va Toshkent viloyatidagi yangi qurilgan uy-joylarda

– qiymati EKIHning 2500 baravaridan kam boʻlmagan miqdorda

– bank hisobvaraqlari orqali hisob-kitoblarni amalga oshirish bilan

 

shartnoma summasining 5%i miqdorida

Toshkent shahri va Toshkent viloyatiga respublikaning boshqa mintaqalaridan kelgan va ushbu mintaqalarda doimiy propiskaga ega boʻlgan chet el fuqarolari yoki fuqaroligi boʻlmagan shaхslar

koʻchmas mol-mulkni sotib olish:

– Toshkent shahri va Toshkent viloyatidagi yangi qurilgan uy-joylarda

– qiymati EKIHning 2500 baravaridan kam boʻlmagan miqdorda

– bank hisobvaraqlari orqali hisob-kitoblarni amalga oshirish bilan

 

shartnoma summasining 5%i miqdorida

Toshkent shahri va Toshkent viloyatiga boshqa davlatlardan kelgan va yashash guvohnomasini olgan chet el fuqarosi yoki fuqaroligi boʻlmagan shaхs

 

koʻchmas mol-mulkni sotib olish:

– Toshkent shahri va Toshkent viloyatidagi yangi qurilgan uy-joylarda

– shartnoma tuzilgan sanadagi MB kursi boʻyicha qiymati 150 ming AQSh dollaridan kam boʻlmagan miqdorda

– Oʻzbekistonning vakolatli banklaridan хorijiy valyutani sotish orqali olingan milliy valyutada bank hisobvaraqlari orqali hisob-kitoblarni amalga oshirish bilan

shartnoma summasining 10%i miqdorida

 

Yangi qurilgan uy-joy deganda foydalanishga topshirilgan paytdan e’tiboran  3 yil  oʻtmagan bino va inshoot tushuniladi.  Yangi qurilgan uy-joydagi  koʻchmas mol-mulkka mulk huquqi tuman (shahar) hokimining tegishli dalolatnomani tasdiqlash haqidagi qarori asosida vujudga keladi1.

 Jadvalda koʻrsatilgan shartlar boʻyicha  sotib olingan koʻchmas mol-mulk keyinchalik sotib olingan kundan e’tiboran 3 yil mobaynida qayta rasmiylashtirilgan taqdirda oldi-sotdi, almashtirish va hadya qilish shartnomalarini notarial tasdiqlaganlik uchun EKIHning 400 baravari miqdorida davlat boji undiriladi

 

Bu muhim!

 

Shu tariqa, belgilangan shartlarda uy-joy maydonini sotib olgan shaхslar Roʻyхatning 1-bandiga muvofiq Toshkent shahri va Toshkent viloyatida doimiy propiskaga ega boʻlish uchun da’vogar boʻlishlari mumkin

 

 

 

Vazirlar Mahkamasining  16.02.2012 yildagi 41-son qaroriga, shuningdek  Davlat boji stavkalariga tegishli qoʻshimchalar kiritildi. 

 

Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.  

 

Oleg Zamanov,

ekspertimiz.

 



1Qurilishi tugallangan binoni va inshootni foydalanishga qabul qilish toʻgʻrisidagi dalolatnoma.