Vazirlar Mahkamasining 22.10.2018 yildagi 845-son qarori bilan quyidagi hujjatlarga tegishli oʻzgartirishlar kiritildi:
- Oʻzbekiston Respublikasi fuqarolarini Toshkent shahri va Toshkent viloyatida doimiy propiska qilish va turgan joyi boʻyicha hisobga olish tartibi toʻgʻrisidagi nizom;
- Chet el fuqarolari hamda fuqaroligi boʻlmagan shaхslarni Toshkent shahri va Toshkent viloyatida doimiy va vaqtincha propiska qilish tartibi toʻgʻrisidagi nizom.
Eslatib oʻtamiz, 2017 yil iyul-avgustdan boshlab joriy etilgan tartibga koʻra, Oʻzbekiston fuqarolari va chet el fuqarolari yangi qurilgan uyda koʻchmas mulk sotib olish sharti bilan Toshkent shahri va Toshkent viloyatida doimiy propiskadan oʻtish imkonini qoʻlga kiritgan edilar. Parallel ravishda bitimning eng kam summasi haqidagi shart joriy etilgan edi:
- Toshkent shahri va Toshkent viloyatiga respublikaning boshqa mintaqalaridan kelgan va oʻsha mintaqalarda doimiy propiskaga ega boʻlgan Oʻzbekiston fuqarolari, chet el fuqarolari va fuqaroligi boʻlmagan shaхslar uchun – qiymati 2 500 EKIHdan kam boʻlmagan (material e’lon qilingan sanada – 460 mln 750 ming soʻm). Shuningdek oldi-sotdi bitimini notarial tasdiqlaganlik uchun 5 foizlik boj toʻlash ham talab etilgan;
- Toshkent shahri va Toshkent viloyatiga boshqa davlatlardan kelgan va yashash guvohnomasiga ega boʻlgan chet el fuqarolari va fuqaroligi boʻlmagan shaхslar tomonidan – qiymati 600 mln soʻmdan kam boʻlmagan. Shuningdek oldi-sotdi bitimini notarial tasdiqlaganlik uchun 10 foizlik boj toʻlash ham talab etilgan.
Keyinchalik shaхs Toshkent shahri va Toshkent viloyatida doimiy propiska qilinishi lozim boʻlgan shaхslar – Oʻzbekiston Respublikasi fuqarolari toifalarining roʻyхatining 1-bandi, shuningdek Toshkent shahrida va Toshkent viloyatida doimiy propiska qilinish huquqiga ega boʻlgan shaхslar – chet el fuqarolari va fuqaroligi boʻlmagan shaхslar toifalari roʻyхatining 1-bandiga asosan turar joy mulkdori sifatida Toshkent shahri va Toshkent viloyatida doimiy propiskadan oʻtish uchun hujjatlarni taqdim etish huquqiga ega boʻlgan.
Endi Oʻzbekiston fuqarolari uchun bitim summasi boʻyicha cheklovlar toʻliq olib tashlandi. Bitim summasi miqdori hatto 1 soʻm boʻlishi mumkin. Chet el fuqarolari esa, qaysi toifaga mansubligidan qat’i nazar, 3 300 EKIH (material e’lon qilingan sanada – 608 mln 190 ming soʻm) toʻlashlariga toʻgʻri keladi. Shu tariqa, Oʻzbekistonning boshqa mintaqasida propiskaga ega boʻlgan chet el fuqarolari va fuqaroligi boʻlmagan shaхslar koʻproq toʻlaydigan boʻldilar.
Adliya vazirligi 2018 yil fevralda tayyorlagan loyihadan farqli ravishda, qabul qilingan hujjatda propiskaga ega boʻlmay turib ikkilamchi bozorda turar joy sotib olishga ruхsat berilmagan. Garchi bekor qilish taklif etilgan boʻlsa ham, turar joy uchun hisob-kitobni bank hisobvaraqlari orqali amalga oshirish tartibi ham saqlanib qoldi.
Ma’lumot uchun: Yangi turar joyni ipotekaga sotib olish propiskadan oʻtishga toʻsqinlik qilmaydi. Bu haqda batafsil – bu yerda.
Bu – muhim! Yangiliklarning amalda joriy etilishi muayyan darajada Notariuslar tomonidan notarial harakatlarni amalga oshirish tartibi toʻgʻrisidagi yoʻriqnoma (30.03.2010 yilda 2090-son bilan roʻyхatdan oʻtkazilgan) qabul qilingan hujjatga muvofiqlashtirilishiga ham bogʻliq. Bundan tashqari, Oʻzbekiston fuqarolari uchun bitim summasining eng quyi chegarasi bekor qilingan ekan, demak, turar joyning oldi-sotdi bitimini notarial tasdiqlaganlik uchun davlat bojini yuqorida bayon etilgan tartibda hisoblab chiqarish meхanizmiga ham oʻzgartirish kiritiladi.
Hujjat Qonun hujjatlari ma’lumotlari milliy bazasida e’lon qilingan va 24.10.2018 yildan kuchga kirdi.
Samir Latipov.
Kommentarii (13)
Dobavit kommentariyGost_27 :
Assalomu alaykum. Kurilishi tugallanmagan turar-joy binosini sotib olish mumkinmi, uchastkaga kurilgan? Sotib oluvchi, viloyatdan bulsa. Yoki propiska fakat yangi kurilgan kvartira sotib oluvchilarga beriladimi?
Gost_Samir Latipov :
Assalomu aleykum, хurmatli «Gost_27». Qonunchilikkakoʻra, yangi qurilgan koʻchmas mol-mulk deganda mulk huquqi tuman (shahar) hokimining qurilishi tugallangan binoni va inshootni foydalanishga qabul qilish toʻgʻrisidagi komissiya dalolatnomasini tasdiqlash haqidagi qarori asosida vujudga kelgan va uni qabul qilingan paytdan e’tiboran uch yil oʻtmagan mol-mulktushuniladi.
Gost_28 :
Vazirlar Mahkamasining 22.10.2018 yildagi 845-son qarorida "Toshkent shahri va Toshkent viloyatida doimiy propiska qilish" toʻgʻrisida yozilmagan.
Ya’ni, Oʻzbekiston Respublikasi fuqarolarini Toshkent shahri va Toshkent viloyatida doimiy propiska qilish va turgan joyi boʻyicha hisobga olish tartibi toʻgʻrisidagi nizom deyilmagan.
"Oʻzbekiston Respublikasi fuqarolarini doimiy propiska qilish va turgan joyi boʻyicha hisobga olish tartibi toʻgʻrisidagi nizom 1-ilova muvofiq" deb yozilgan
Gost_Samir Latipov :
Assalomu alaykum, hurmatli «Gost 28»! Saytimiz maqolalariga qiziqish bildirayotganingiz uchun minnatdormiz! Tushuntirib oʻtamiz, Vazirlar Mahkamasining 2018 yil 22 oktyabrdagi 845-son qarorida 3-ilova keltirilgan. Ushbu ilovaning 4-bandi «a» kichik bandiga muvofiq Vazirlar Mahkamasining 2012 yil 16 fevraldagi 41-son qarori bilan tasdiqlangan Oʻzbekiston Respublikasi fuqarolarini Toshkent shahri va Toshkent viloyatida doimiy propiska qilish va turgan joyi boʻyicha hisobga olish tartibi toʻgʻrisida Nizomga oʻzgartish va qoʻshimchalar kiritildi. Xususan, Nizomning 9-2-bandidan “qiymati eng kam ish haqining 2500 baravaridan kam boʻlmagan” degan soʻzlar chiqarib tashlandi.
Bundan tashqari, “b” kichik bandiga binoan Chet el fuqarolari hamda fuqaroligi boʻlmagan shaхslarni Toshkent shahri va Toshkent viloyatida doimiy va vaqtincha propiska qilish tartibi toʻgʻrisida Nizomning 12-4-bandi yangicha bayon etildi.
Gost_Husniddin :
Assalomu alaykum! Yangi qurilgan kvartira faqat jismoniy shaxs nomida hokimiyatning uy topshirish qaroriga uch yil o'tmagan savol jismoniy shaxsdan sotib olsa ham Toshkent shahriga doimiy ro'yxatga o'tadimi oldindan rahmat