Zulfiya nomidagi Davlat mukofoti bilan 15 nafar qiz taqdirlandi

Hujjatning oʻzida qayd qilinishicha, iqtidorli qizlar a’lo хulqi, noyob iste’dodi, zukkoligi, tashabbuskorligi, oʻqishdagi muvaffaqiyatlari hamda adabiyot, madaniyat, san’at, ta’lim va sport sohalaridagi alohida yutuqlari uchun Zulfiya nomidagi Davlat mukofoti bilan taqdirlandi.

Bunda 2017 yil uchun istisno tariqasida Qoraqalpogʻiston Respublikasining ikki nafar, viloyatlar va Toshkent shahrining bir nafardan vakilalariga  - jami 15 ta (14 ta oʻrniga) mukofot beriladi.

Diplomlar va koʻkrak nishonlari 8 mart – Xalqaro хotin-qizlar bayramida topshiriladi.  Mukofotlar bilan birga EKIHning 50 baravari miqdorida pul mukofoti toʻlanadi.

Mazkur hujjatning toʻliq matni va u bilan bogʻlangan boshqa qonun hujjatlariga sharhlar va havolalar bilan yaqin kunlarda «Oʻzbekiston Respublikasi Qonunchiligi» aхborot-qidiruv tizimida tanishish mumkin.

Oleg ZAMANOV,

ekspertimiz.