Зулфия номидаги Давлат мукофоти билан 15 нафар қиз тақдирланди

Ҳужжатнинг ўзида қайд қилинишича, иқтидорли қизлар аъло хулқи, ноёб истеъдоди, зукколиги, ташаббускорлиги, ўқишдаги муваффақиятлари ҳамда адабиёт, маданият, санъат, таълим ва спорт соҳаларидаги алоҳида ютуқлари учун Зулфия номидаги Давлат мукофоти билан тақдирланди.

Бунда 2017 йил учун истисно тариқасида Қорақалпоғистон Республикасининг икки нафар, вилоятлар ва Тошкент шаҳрининг бир нафардан вакилаларига  - жами 15 та (14 та ўрнига) мукофот берилади.

Дипломлар ва кўкрак нишонлари 8 март – Халқаро хотин-қизлар байрамида топширилади.  Мукофотлар билан бирга ЭКИҲнинг 50 баравари миқдорида пул мукофоти тўланади.

Мазкур ҳужжатнинг тўлиқ матни ва у билан боғланган бошқа қонун ҳужжатларига шарҳлар ва ҳаволалар билан яқин кунларда «Ўзбекистон Республикаси Қонунчилиги» ахборот-қидирув тизимида танишиш мумкин.

Олег ЗАМАНОВ,

экспертимиз.